Бозии марҳилаи гурӯҳии даври интихобии Ҷоми Осиё-2027 миёни дастаҳои Тоҷикистон ва Тимори Шарқиро ҳайати доварон аз Эрон ҳакамӣ мекунанд.
Довари ФИФА Қозимӣ Саид Воҳид довари марказӣ таъйин шуд. Дар майдон ба ӯ ҳамватанонаш – ёварони довари ФИФА Амирмуҳаммад Довудзода ва Алӣ Аҳмадӣ кӯмак мекунанд. Довари ФИФА Араб Барагӣ Амир довари эҳтиётӣ хоҳад буд. Валентин Коваленко аз Ӯзбекистон кори доваронро назорат карда, Маҳмуд Тҳиб Обид Каракраи фаластинӣ комиссари бозӣ мебошад.
Бозии аввали марҳилаи интихобии Ҷоми Осиё-2027 миёни Тоҷикистон ва Тимори Шарқӣ рӯзи 25 март дар Варзишгоҳи марказии Душанбе баргузор шуда, соати 16:00 оғоз мегардад.