Дастаи мунтахаби ҷавонони Тоҷикистон (U-20) таҳти роҳбарии мутахассиси белорусӣ Олег Кубарев дар ҷамъомади таълимиву тамринии Туркия нахустин бозии санҷишии худро анҷом дод.
Ҳарифони дастаи мо ҷавонони Ироқ (U-20) буданд. Вохӯрӣ имрӯз, 23 январ дар маҷмааи варзишии «Арслан Зеки Демирчӣ» доир шуда, бо ҳисоби мусовии 0:0 поён ёфт.
Бозии навбатии санҷишии худро дар ҷамъомади таълимиву тамринии Туркия тими ҷавонони Тоҷикистон рӯзи 26-уми январ бо бошгоҳи «Бухоро», ки роҳбарии онро дастпарвари футболи тоҷик Ҳаким Фузайлов бар уҳда дорад, баргузор мекунад.
🤝 Бозии санҷишӣ
🇹🇯 ТОҶИКИСТОН (U-20) – 🇮🇶 Ироқ (U-20) – 0:0
🇹🇯 Дастаи ҷавонони Тоҷикистон (ҳайати асосӣ): Суҳробхӯҷа Юсупов, Содиқҷон Қурбонов, Меҳрубони Абдурауф, Шаҳриёри Иноятулло, Фахриддин Ахтамов, Азизбек Ҳайитов, Алиҷони Айнӣ, Салам Ашӯрмамадов, Амадонӣ Камолов, Хусрав Тоиров, Абдулфаттоҳ Худойдозода.
🏟 23 январ. Сиде, Туркия. Маҷмааи варзишии «Арслан Зеки Демирчӣ».
