Имрӯз, 1 июл дар меҳмонхонаи «Румӣ»-и шаҳри Душанбе маросими қуръакашии 1XBet-Ҷоми Тоҷикистон-2023 баргузор шуд. 16 даста ҳарифи худро дар даври 1/8 ниҳоӣ пайдо кард.
Барои дарёфти ҷоизаи мазкур даҳ бошгоҳи лигаи олӣ ва шаш дастаи лигаи якум, ки тариқи марҳилаи муқаддамотӣ ба қисмати асосӣ роҳ ёфтанд, рақобат менамоянд.
Тибқи натоиҷи қуръакашӣ дар бозиҳои даври 1/8 ниҳоии Ҷоми Тоҷикистон-2023, ки рӯзҳои 29 ва 30 июл баргузор мешаванд, «Истиқлол» – КМВА, «Файзканд» – «Саройкамар», «Хуҷанд» – «Регар-ТадАЗ», «Панҷшер» – «Эсхата», «Моҳир» – «Истаравшан», «Парвоз» – «Хатлон», «Ҳосилот» – «Барқчӣ» ва «Куктош» – «Равшан» бо ҳам рақобат мекунанд.
Бозиҳои даври 1/8 ва 1/4 ниҳоии Ҷоми Тоҷикистон аз як бозӣ иборат буда, дар майдони дастае, ки дар ҷуфт зинаи аввалро касб кардааст, доир мешавад. Вохӯрии ниманиҳоӣ аз ду бозӣ – дар хона ва дар сафар иборат аст. Дар Варзишгоҳи марказии шаҳри Кӯлоб бозии ниҳоии Ҷоми Тоҷикистон-2023 роҳандозӣ мегардад.
1XBet-Ҷоми Тоҷикистон-2023
1/8 ниҳоӣ
29-30 июл (шанбе, якшанбе)
«Истиқлол» – КМВА
«Файзканд» – «Саройкамар»
«Хуҷанд» – «Регар-ТадАЗ»
«Панҷшер» – «Эсхата»
«Моҳир» – «Истаравшан»
«Парвоз» – «Хатлон»
«Ҳосилот» – «Барқчӣ»
«Куктош» – «Равшан»