Дастаи наврасони Тоҷикистон (U-16) дар бозии якуми мусобиқаи байналмилалӣ ба хотираи собиқ президенти Ассотсиатсияи футболи Ӯзбекистон Мираброр Усмонов аз тими наврасони Ҷопон шикаст хӯрд.
Вохӯрӣ имрӯз, 23 август дар майдони Академияи «Бунёдкор»-и шаҳри Тошканд баргузор шуда, бо ҳисоби 2:0 ба фоидаи ҷопониҳо анҷом ёфт. Голҳоро аз ҳайати ғолибон Шунго Сугиура ва Шота Кофие заданд.
Дар бозии дигари даври аввали мусобиқаи гиромидошти хотираи Усмонов дастаҳои наврасони Ӯзбекистон ва Эрон мусовӣ карданд – 1:1.
25-уми август мунтахаби наврасони Тоҷикистон бо ҳамсолони худ аз Эрон бозӣ мекунад. Ин вохӯрӣ дар варзишгоҳи «Қибрай» баргузор шуда, соати 16:00 оғоз мегардад.
Мусобиқаи гиромидошти хотираи Мираброр Усмонов байни дастаҳои наврасони то 16-сола
Даври 1
ТОҶИКИСТОН (U-16) – Ҷопон (U-16) – 0:2
Голҳо: Шунго Сугиура, 59 (0:1). Шота Кофие, 88 (0:2).
23 август. Тошканд. Майдони Академияи «Бунёдкор».
Ӯзбекистон (U-16) – Эрон (U-16) – 1:1
Тақвими бозиҳои боқимонда:
Даври 2
25 август (панҷшанбе)
16:00 – Эрон (U-16) – ТОҶИКИСТОН (U-16). Варзишгоҳи «Қибрай»
17:00 – Ҷопон (U-16) – Ӯзбекистон (U-16). Варзишгоҳи «Пахтакор»
Даври 3
27 август (шанбе)
15:30 – Ҷопон (U-16) – Эрон (U-16). Варзишгоҳи «Ҷар»
17:00 – Ӯзбекистон (U-16) – ТОҶИКИСТОН (U-16). Варзишгоҳи «Пахтакор»