Доварон аз Тоҷикистон – доварони ФИФА Насрулло Кабиров ва Гулмуроди Саъдулло бозиҳои Лигаи қаҳрамонҳои КФО-2023/24-ро ҳакамӣ мекунанд.
Насрулло Кабиров бозии даври муқаддамотии Лигаи қаҳрамонҳои Осиё-2023/24 байни дастаҳои «Шарҷа» (АМА) ва «Башундара Кингс» (Бангладеш)-ро доварӣ мекунад. Ин вохӯрӣ 15 август дар Шарҷа баргузор мешавад. Ба Кабиров ҳамватанонаш – ёварони довари ФИФА Акмал Бӯриев ва Хусрави Сиддиқзод кӯмак мекунанд. Довари чаҳоруми ин бозӣ Алӣ Реда аз Лубнон хоҳад буд.
Довари дигар аз Тоҷикистон, довари ФИФА Гулмуроди Саъдуло довари марказии бозии плей-оффи Лигаи қаҳрамонҳои КФО-2023/24 миёни бошгоҳҳои «Урава Ред Даймондс»-и Ҷопон ва барандаи ҷуфти «Ли Ман» (Ҳонгконг) – «Бали Юнайтед» (Сингапур) таъйин шуд. Ин рақобат 22 август дар Сайтама сурат мегирад. Ба ҳайси ёварони Гулмуроди Саъдулло Вафо Қараев ва Ҳасан Каримов фаъолият хоҳанд кард. Вазифаи довари эҳтиётиро Насрулло Кабиров иҷро мекунад.