Ноиб-қаҳрамони Тоҷикистон «Равшан»-и Кӯлоб дар оғози марҳилаи гурӯҳии Ҷоми КФО-2023/24 дар минтақаи марказӣ бо тими «Марв»-и Туркманистон бозиро мусовӣ 0:0 кард.
Ин вохӯрӣ рӯзи 21 сентябр дар Варзишгоҳи марказии Ҳисор баргузор шуд ва 6750 тамошобинро ҷалб кард.
«Равшан» бозии навбатии худро дар марҳилаи гурӯҳии Ҷоми КФО-2023/24 дар меҳмонӣ бо бошгоҳи «Алтин Асир»-и Туркманистон анҷом медиҳад. Ин рақобат 5 октябр дар варзишгоҳи «Ашхобод»-и Ашхобод баргузор шуда, соати 21:00 ба вақти маҳаллӣ оғоз мегардад.
Ҷоми КФО-2023/24
Минтақаи марказӣ. Гурӯҳи «Е». Даври 1
«РАВШАН» (ТОҶИКИСТОН) – «Марв» (Туркманистон) – 0:0
«Равшан» (Тоҷикистон): Евгений Гритсенко, Раҳматшо Раҳматзода, Холмурод Назаров, Самуэл Офори, Муҳаммадҷон Насков, Айдан Окран, Ҷозеф Акомади, Эммануэл Маабуаҳ, Муҳаммадшарифи Саидхоҷа, Масрур Қиёмиддинов (Тоҳир Малодӯстов, 69) Амирҷон Сафаров (Акобир Тӯраев, 78).
Беҳтарин бозигари вохӯрӣ: Мусо Нурназаров («Марв»).
Довари марказӣ: Абдулло Ҷамолӣ (Кувайт).
21 сентябр. Ҳисор. Варзишгоҳи марказӣ. 6750 тамошобин.
«Абдиш-Ата» (Қирғизистон) – «Алтин Асир» (Туркманистон) – 3:0