11 июл дар дафтари Федератсияи футболи Тоҷикистон таҳти раёсати Тоҳир Нурзода ҷаласаи Кумитаи назоратӣ-интизомӣ баргузор шуд, ки дар он қонуншиканиҳои дар ҷараёни бозиҳои Лигаи футболи Тоҷикистон руйдода баррасӣ шуданд.
– Барои риоя накардани талаботи моддаи 5 банди 12-и Кодекси интизомии ФФТ дар бозии чемпионати Тоҷикистон-2023 байни дастаҳои лигаи олӣ «Равшан» – «Регар-ТадАЗ» (29 июн), дастаи «Равшан» барои таъмин накардани тартиботи ҷамъиятӣ дар варзишгоҳ ба маблағи 500 сомонӣ ҷарима баста шуд.
– Барои вайрон кардани моддаи 7 банди 19-и Кодекси интизомии ФФТ дар бозии чемпионати Тоҷикистон байни дастаҳои лигаи олӣ «Ҳосилот» – «Хуҷанд» (30 июн), бозигари дастаи «Ҳосилот» Далер Чолов бинобар таҳқири ҳайати доварон аз 3 бозӣ маҳрум ва ба маблағи 500 сомонӣ ҷарима шуд.
– Барои риоя накардани талаботи моддаи 5 банди 5-и Кодекси интизомии ФФТ, бинобар иштирок накардан дар бозии тақвимии чемпионати Тоҷикистон-2023 байни дастаҳои лигаи якум «Моҳир» – «Ориён» (23 июн), ба дастаи «Ориён» (Исфара) бо ҳисоби 0:3 шикасти техникӣ дода шуд.
– Барои риоя накардани талаботи моддаи 6, банди 2-и Кодекси интизомии ФФТ дар бозии чемпионати Тоҷикистон-2023 байни дастаҳои лигаи якум «Саройкамар» – «Панҷшер» (23 июн), мураббии тими «Панҷшер» Абдуҳанон Ҷамолов бинобар таҳқири ҳайати доварон аз ҳаққи ширкат дар 3 бозӣ маҳрум ва 500 сомонӣ ҷарима шуд.
– Барои вайрон кардани моддаи 5 банди 5-и Кодекси интизомии ФФТ дар бозии тақвимии чемпионати Тоҷикистон-2023 байни дастаҳои лигаи якум «Истаравшан» – «Барқчӣ» (29 июн), ба дастаи «Барқчӣ» барои ҳозир нашудан ба вохӯрӣ бо ҳисоби 0:3 бохти техникӣ дода шуд.
– Барои вайрон кардани моддаи 5 банди 35-и Кодекси интизомии ФФТ дар бозии чемпионати Тоҷикистон-2023 байни дастаҳои лигаи якум «Гулистон» – «Саройкамар» (30 июн), тими «Гулистон» бинобар насб накардани аломати шарики расмии ЛФТ дар либосҳои бозигарон ба маблағи 500 сомонӣ ҷарима баста шуд.
– Барои вайрон кардани моддаи 5 банди 5-и Кодекси интизомии ФФТ, ҳозир нашудан ба бозии тақвимии чемпионати Тоҷикистон-2023 байни дастаҳои лигаи якум «Барқчӣ» – «Саройкамар» (7 июл), ба дастаи «Саройкамар» бо ҳисоби 0:3 бохти техникӣ дода шуд.
– Барои вайрон кардани моддаи 7 банди 19-и Кодекси интизомии ФФТ дар бозии чемпионати Тоҷикистон байни дастаҳои лигаи якум «Панҷшер» – «Барқчӣ» (9 июл), бозингари тими «Барқчӣ» Абубакр Сулаймонов барои таҳқири ҳайати доварон аз ҳаққи ширкат дар 3 бозӣ маҳрум ва ба маблағи 250 сомонӣ ҷарима баста шуд.
– Барои вайрон кардани моддаи 5 банди 35-и Кодекси интизомии ФФТ дар бозии чемпионати Тоҷикистон-2023 байни дастаҳои лигаи якум «Гулистон» – «Саройкамар» (30 июн), дастаи «Саройкамар» барои насб накардани аломати сарпарасти расмии ЛФТ дар либосҳои бозигарон ба маблағи 500 сомонӣ ҷарима баста шуд.
– Барои вайрон кардани моддаи 7 банди 17-и Кодекси интизомии ФФТ дар бозии чемпионати Тоҷикистон байни дастаҳои ҷавонони лигаи олӣ «Хуҷанд» – «Ҳосилот» (24 июн), бозигари тими «Хуҷанд» Ҳикматҷон Назаров бинобар гуфтани суханҳои таҳқиромез нисбати ҳариф аз ҳаққи ширкат дар 3 бозӣ маҳрум карда шуд.
– Барои вайрон кардани банди 7 банди 28.1-и Кодекси интизомии ФФТ дар бозии чемпионати Тоҷикистон байни дастаҳои ҷавонони лигаи олӣ «Хуҷанд» – «Ҳосилот» (24 июн), бозигари дастаи «Ҳосилот» Нурулло Маҳмудов барои рафтори дағалона аз 2 бозӣ маҳрум карда шуд.
– Барои вайрон кардани моддаи 7 банди 24-и Кодекси интизомии ФФТ дар бозии чемпионати Тоҷикистон байни дастаҳои ҷавонони лигаи олӣ «Файзканд» – «Хатлон» (29 июн), бозигари дастаи «Файзканд» Амирҷон Нуралиев барои задани ҳариф аз 3 бозӣ маҳрум шуд.
– Барои вайрон кардани моддаи 7 банди 17-и Кодекси интизомии ФФТ, ки дар истифодаи имову ишораи таҳқиромез нисбати рақиб дар бозии чемпионати Тоҷикистон байни дастаҳои ҷавонони лигаи олӣ «Файзканд» – «Хатлон» (29 июн) ифода ёфтааст, бозигари тими «Хатлон» Аминҷон Баротов аз 3 бозӣ маҳрум шуд.
– Барои вайрон кардани моддаи 5 банди 13-и Кодекси интизомии ФФТ дар бозии чемпионати Тоҷикистон-2023 байни дастаҳои ҷавонони лигаи олӣ «Файзканд» – «Хатлон» (29 июн), тими «Файзканд» барои риоя накардани шарту талаботи низомномаи мусобиқот ба маблағи 500 сомонӣ ҷарима баста шуд.
– Барои вайрон кардани моддаи 7 банди 24-и Кодекси интизомии ФФТ дар бозии мусобиқоти Ҷоми «Ҷавонӣ» байни дастаҳои ҷавонони лигаи олӣ «Файзканд» – «Эсхата» (7 июл), бозигари тими «Файзканд» Ҷамшед Қосимов барои задани ҳариф аз 3 бозӣ маҳрум ва 500 сомонӣ ҷарима карда шуд.
– Барои вайрон кардани моддаи 7 банди 24-и Кодекси интизомии ФФТ дар бозии мусобиқоти Ҷоми «Ҷавонӣ» байни дастаҳои ҷавонони лигаи олӣ «Файзканд» – «Эсхата» (7 июл), бозигари дастаи «Файзканд» Бохирҷон Сангинбоев барои задани ҳариф аз ҳаққи ширкат дар 3 бозӣ маҳрум ва 500 сомонӣ ҷарима карда шуд.
– Барои вайрон кардани банди 7 банди 28.1-и Кодекси интизомии ФФТ дар бозии Ҷоми «Ҷавонӣ» байни дастаҳои ҷавонони лигаи олӣ «Равшан» – КМВА (7 июл), бозигари дастаи «Равшан» Абӯбакр Мираҳмадов барои рафтори дағалона аз ҳаққи ширкат дар 2 бозӣ маҳрум шуд.