Федератсияи футболи Тоҷикистон ва Ассотсиатсияи футболи Сингапур дар бораи баргузории як бозии дӯстона миёни тимҳои миллии ду кишвар дар рӯзҳои ФИФА-и моҳи сентябр ба мувофиқа расиданд.
Бозии дӯстона миёни тимҳои миллии Сингапуру Тоҷикистон 8 сентябр дар Сингапур баргузор шуда, соати 19:30 ба вақти маҳаллӣ (соати 16:30 ба вақти Душанбе) оғоз мешавад.
Қаблан дар сатҳи тимҳои миллӣ дастаҳои Сингапур ва Тоҷикистон се бор бо ҳам вохӯрдаанд. Мунтахаби Тоҷикистон дар мусобиқаи интихобии Ҷоми Осиё-2023 (1:0) пирӯз шуда, мунтахаби Сингапур (2:0) – дар мусобиқаи интихобии Ҷоми ҷаҳон-2010 ғолиб гардидааст. Рақобати дастаҳо дар марҳилаи интихобии Ҷоми ҷаҳон-2010 мусовӣ (1:1) анҷом ёфтааст.
🤝 Бозии дӯстона
📅 8 сентябр (ҷумъа)
⌚️ Оғоз – соати 16:30 ба вақти Душанбе
🇸🇬 Сингапур – 🇹🇯 ТОҶИКИСТОН