Дарвозабони 25-солаи «Истиқлол»-и Душанбе Рустам Ятимов дар бозии ниҳоии Ҷоми Тоҷикистон-2023 беҳтарин бозигар эътироф гардид.
«Истиқлол» дар бозии ҳалкунанда бар дастаи «Равшан»-и Кӯлоб дар силсилаи зарбаҳои пеналти пирӯз шуд ва барандаи даҳкаратаи Ҷоми кишвар гардид. Вақти асосии бозӣ мусовӣ – 0:0 анҷом ёфт. Дар қисматҳои иловагӣ дастаҳо ба дарвозаи ҳамдигар як голӣ заданд – 1:1. Дар силсилазарбаҳои пеналти бахт ба рӯйи бошгоҳи шаҳри Душанбе хандид – 4:2. Дарвозабони «Истиқлол» Рустам Ятимов зарбаи ҷаримавии задаи дарвозабони «Равшан» Евгений Гритсенкоро баргардонд ва беҳтарин бозигари финал эълон гардид.
🏆 1XBet-Ҷоми Тоҷикистон-2023. Финал
🔴 «Истиқлол» (Душанбе) – ⚪️ «Равшан» (Кӯлоб) – 1:1. Аз рӯйи силсилаи пеналти – 4:2
⚽️ Голҳо: Ҷозеф Акомади, 100 (1:0). Содиқҷон Қурбонов, 105+2 (1:1).
Силсилаи пеналти: Артур Карташян – 1:0. Холмурод Назаров – 1:1. Аҳтам Назаров – 2:1. Айдан Окран – 2:2. Шаҳром Сулаймонов – 3:2. Ҷозеф Акомади – 3:2 (тахтачӯби дарвоза). Денис Беганович – 4:2. Евгений Гритсенко – 4:2 (дарвозабон).
🏟 1 ноябр. «Кӯлоб-Арена». 12 200 тамошобин.