Дастаи мунтахаби олимпии Тоҷикистон (U-23) таҳти роҳбарии Мубин Эргашев, ки моҳи сентябр дар марҳилаи интихобии Ҷоми Осиё-2024 ширкат мекунад, бо ҳамсолони худ аз Ҳонконг ду бозии дӯстона анҷом медиҳад.
Рӯзҳои 15 ва 19 июн дар варзишгоҳи «ТАЛКО-Арена»-и шаҳри Турсунзода рақобатҳои санҷишӣ миёни дастаҳои олимпии Тоҷикистон ва Ҳонконг баргузор мешаванд. Бозиҳо соати 17:30 оғоз мегарданд.
Дар мусобиқаи интихобии Ҷоми Осиё-2024 мунтахаби олимпии Тоҷикистон (U-23) дар гурӯҳи «I» бо дастаҳои Австралия, Лаос ва Кореяи Шимолӣ рақобат мекунад. Бозиҳои интихобӣ дар гурӯҳи мо аз 6 то 12 сентябр дар шаҳри Душанбе доир мегарданд.
Ғолибони ёздаҳ гурӯҳи интихобӣ ва ҳамчунин чаҳор тими беҳтарини ҷойи дуюм соҳиби роҳхат ба қисми финалии Ҷоми Осиё-2024 мешавад, ки аз 15 апрел то 3 май дар Қатар баргузор мегардад.
🤝 Бозиҳои дӯстона
📅 15 июн (панҷшанбе)
⏰ Оғоз – соати 17:30
🇹🇯 ТОҶИКИСТОН (U-23) – 🇭🇰 Ҳонконг (U-23)
🏟 Турсунзода, варзишгоҳи «ТАЛКО-Арена»
📅 19 июн (душанбе)
⏰ Оғоз – соати 17:30
🇹🇯 ТОҶИКИСТОН (U-23) – 🇭🇰 Ҳонконг (U-23)
🏟 Турсунзода, варзишгоҳи «ТАЛКО-Арена»