Бозиҳои даври дуюми марҳилаи пешакии Ҷоми Федератсияи футболи Тоҷикистон-2021 дар минтақаи Душанбе баргузор шуданд. “Истиқлол”-и Душанбе аввалин иштирокчии марҳилаи ниҳоии мусобиқа гардид.
Бозиҳои марҳилаи пешакии Ҷоми Федератсия-2021 рӯзи 28 январ доир шуданд. Дар гурӯҳи “А” “Регар-ТадАз”-и Турсунзода ғалабаи дуюми худро ба даст овард. Ин бор шогирдони Ҳикмат Фузайлов бо ҳисоби 2 бар 1 дастаи “Локомотив-Помир”-и Душанберо мағлуб карданд. Дар бозии дигаи гурӯҳ “Кӯктош”-и ноҳияи Рӯдакӣ бо ҳисоби калони 4 бар 0 “Шоҳмансур”-и Душанберо шикаст дод.
Дар квартети “Б” “Истиқлол” бо ҳисоби 2 бар 0 “Барқчӣ”-и Ҳисорро мағлуб намуд. Дар бозии дигаи ин гурӯҳ “Душанбе-83” бар «Ваҳдат»-и Ваҳдат бо ҳисоби 1:1 мусовӣ бозӣ кард. Аз рӯи натиҷаи ду даври баргузоршуда, аввалин дастаи ба марҳилаи ниҳоии мусобиқа роҳёфта, маълум гашт. “Истиқлол” дар гурӯҳи “Б” соҳиби шаш имтиёз гашта, барои рақибонаш дар гурӯҳ дастнорас шуд ва аввалин шуда, ба марҳилаи ниҳоии Ҷоми Федератсия-2021 роҳ ёфт.
Ёдрас мешавем, ки аз рӯи натиҷаи ҷамъбасти марҳилаи гурӯҳӣ дар минтақаи Душанбе аз ҳар гурӯҳ ду дастаи пешсаф ба марҳилаи ниҳоӣ роҳ меёбанд. Марҳилаи ниҳоии Ҷоми Федератсия-2021 дар шаҳри Душанбе баргузор мешавад.
Ҷоми Федератсияи футболи Тоҷикистон-2021
Марҳилаи пешакӣ. Минтақаи Душанбе
Гурӯҳи «А». Даври 2-юм
«Шоҳмансур» – «Кӯктош» – 0:4
Голҳо: Оятулло Сафаров, 27 (0:1). Муҳаммад Гулаев, 33 (0:2). Фирӯз Раҳматов, 48 (0:3). Азизбек Султонов, 61 (0:4).
«Локомотив-Помир» – «Регар-ТадАЗ» – 1:2
Голҳо: Диловаршо Ғаниев, 12 (0:1). Шоҳрух Сангов, 42 (1:1). Азизбек Далиев, 82 (1:2).
| Б | Ғ | М | Б | Т/Т | И | ||
| 1 | «Регар-ТадАЗ» (Турсунзода) | 2 | 2 | 0 | 0 | 6-2 | 6 |
| 2 | «Кӯктош» (Рӯдакӣ) | 2 | 1 | 1 | 0 | 4-0 | 4 |
| 3 | КМВА (Душанбе) | 1 | 0 | 1 | 0 | 0-0 | 1 |
| 4 | «Локомотив-Помир» (Душанбе) | 1 | 0 | 0 | 1 | 1-2 | 0 |
| 5 | «Шоҳмансур» (Душанбе) | 2 | 0 | 0 | 2 | 1-8 | 0 |
Даври 3-юм
30 январ (шанбе)
10:30 – «Кӯктош» – «Локомотив-Помир». Ҳисор, Варзишгоҳи марказӣ
14:00 – КМВА – «Шоҳмансур». Ҳисор, Варзишгоҳи марказӣ
Гурӯҳи «Б». Даври 2-юм
«Барқчӣ» – «Истиқлол» – 0:2
Голҳо: Манучеҳр Ҷалилов, 48 (0:1). Рустам Соиров, 63 (0:2).
Пегалтии амалинашуда: Ромиш Ҷалилов («Истиқлол»), 51 – дарвозабон.
«Душанбе-83» – «Ваҳат» – 1:1
Голҳо: Алишер Раҳимов, 81 (0:1). Шавкати Ҳотам, 90 (1:1).
| Б | Ғ | М | Б | Т/Т | И | ||
| 1 | «Истиқлол» (Душанбе) | 2 | 2 | 0 | 0 | 7-0 | 6 |
| 2 | «Барқчӣ» (Ҳисор) | 2 | 1 | 0 | 1 | 2-3 | 3 |
| 3 | «Душанбе-83» (Душанбе) | 2 | 0 | 1 | 1 | 2-3 | 1 |
| 4 | «Ваҳдат» (Ваҳдат) | 2 | 0 | 1 | 1 | 1-6 | 1 |
Даври 3-юм
29 январ (ҷумъа)
10:30 – «Ваҳдат» – «Барқчӣ». Душанбе, Варзишгоҳи марказӣ
30 январ (шанбе)
14:00 – «Истиқлол» – «Душанбе-83». Душанбе, Варзишгоҳи марказӣ