Дастаи ҷавонони Тоҷикистон (U-20) дар даври дуюми марҳилаи гурӯҳии Ҷоми Осиё-2023 бар тими Уммон бо ҳисоби 1:0 пирӯз шуд.
Голи ягона ва ғалабаоварро дар дақиқаи 79-ум сарвони даста Амадонӣ Камолов ба самар расонд.
Акнун дар даври ниҳоии марҳилаи гурӯҳӣ рӯзи 8 март мунтахаби ҷавонони мо бо дастаи Кореяи Ҷанубӣ, ки дар ду вохӯрӣ шаш имтиёз ба даст овардааст, рақобат менамояд.
Ҷоми Осиё-2023 байни дастаҳои ҷавонон (U-20)
Гурӯҳи «С». Даври 2
Уммон – ТОҶИКИСТОН – 0:1
Гол: Амадонӣ Камолов, 79.
5 март. Тошканд. Варзишгоҳи «Локомотив».