Дар Тошканд мусобиқаи Ҷоми миллатҳои Ассотсиатсияи футболи Осиёи Марказӣ ба анҷом расид. Дастаи Эрон ғолиби ин мусобиқот гардид.
Дар бозии ниҳоӣ тими Эрон бар яккачини Ӯзбекистон пирӯз шуд – 1:0. Муаллифи голи ягона Сардор Озмун гардид.
Дар рақобат барои ҷойи сеюми мусобиқаи «CAFA Nations Cup-2023» мунтахаби Уммон бар тими Қирғизистон бо ҳисоби 1:0 ғалаба карда, медалҳои биринҷӣ ба даст овард.
Дар маросими ҷоизасупорӣ президенти Ассотсиатсияи футболи Осиёи Марказӣ Рустами Эмомалӣ, президенти Ассотсиатсияи футболи Ӯзбекистон Абдусалом Азизов, ноиби аввали президенти АФӮ Равшан Эрматов ва дабири кулли CAFA Улуғбек Каримов ширкат карданд.
Дар натиҷаи мусобиқа ҷоизаи «Fair Play» насиби тими миллии Ӯзбекистон гардид. Ҷоизаи беҳтарин нишонзани мусобиқа ва беҳтарин бозигарро ҳамлагари эронӣ Меҳди Торемӣ (6 гол) ба даст овард. Беҳтарин дарвозабони мусобиқот дарвозабони тими миллии Уммон Иброҳим Солеҳ Ал-Муҳайнӣ дониста шуд.
«CAFA Nations Cup-2023»
Бозӣ барои ҷойи сеюм
Қирғизистон – Уммон – 0:1
Гол: Аршад Саид Алавӣ, 71.
20 июн. Тошканд. Варзишгоҳи «Пахтакор». 186 тамошобин.
Финал
Ӯзбекистон – Эрон – 0:1
Гол: Сардор Озмун, 48.
Аз бозӣ ронда шуд: Ҳусейн Канъонӣ (Эрон), 90 – корти зарди 2-юм.
20 июн. Тошканд. Варзишгоҳи «Бунёдкор». 34000 тамошобин.
