Дастаи футболи “Хуҷанд”-и шаҳри Хуҷанд барандаи панҷкаратаи Ҷоми Тоҷикистон шуд. Дастаи соҳили Сирдарё дар бозии финалии Ҷоми Тоҷикистон-2021, ки рӯзи 9-уми декабр, дар варзишгоҳи “20-солагии Истиқлолияти Тоҷикистон”-и шаҳри Хуҷанд баргузор шуд, “Истиқлол”-и Душанберо бо ҳисоби 2:0 мағлуб сохт.
Бо вуҷуди созмон додани ҳолатҳои хуби голзанӣ аз ҷониби бозигарони ҳарду даста, замони асосии дидор мусовии бе гол анҷом ёфт.
Тибқи низомномаи Ҷоми Тоҷикистон сардовари ин бозӣ – Беҳрӯз Муртазоеви душанбегӣ 30 дақиқа (ду қисми 15-дақиқаӣ) таъйин кард. Ғолиб дар замони изофа маълум шуд.
Ду голи дар замони изофа (дақиқаҳои 104-ум ва 117-ум) задаи Ҳоҷибой Зиёев ва Артём Сердюк ба «Хуҷанд» пирӯзӣ овард. Зиёев ду дақиқа пеш аз голи задаш ба майдон омада буд. Ӯ тӯби баргардондаи дарвозабони «Истиқлол» Шоҳрух Қирғизбоевро баъди зарбаи ҷаримавии Наимҷон Иброҳимзода аз масофаи наздик ба ҳадаф расонд. Сердюк низ тӯбро аз ҷаримагоҳ, аз назди дарвоза ба самар расонид.
Қаблан дар даври ниҳоии Ҷоми Тоҷикистон «Истиқлол» ва «Хуҷанд» ду бор бо ҳам рӯбарӯ шудаанд. Соли 2010 душанбегиҳо бо ҳисоби 5:0 ва соли 2017 хуҷандиҳо бо ҳисоби 2:0 пирӯз шуда буданд.
Ба ин тартиб, «Истиқлол» дар таърихи худ 8 маротиба – солҳои 2009, 2010, 2013, 2014, 2015, 2016, 2018 ва 2019 барандаи Ҷоми Тоҷикистон шудааст. «Хуҷанд» панҷ маротиба – солҳои 1997/1998, 2002, 2008, 2017 ва 2021 Ҷоми кишварро ба даст овардааст.
Ёдрас мешавем, ки мусобиқа барои Ҷоми Тоҷикистон бори 29-ум баргузор шуд. Ҳамагӣ даҳ даста барандаи Ҷом гардидааст. Аз ҳама бештар – ҳашт бор – “Истиқлол” Ҷоми Тоҷикистонро ба даст овардааст. “Регар-ТадАЗ”-и Турсунзода шаш бор, “Хуҷанд” панҷ бор, “Вахш”-и Қӯрғонтеппа (феълан «Хатлон»-и Бохтар), “Варзоб”-и Душанбе, “Парвоз” (собиқ “Авиатор”)-и Бобоҷон Ғафуров ва “Равшан”-и Кӯлоб дуборӣ, “Помир”-и Душанбе, “Ситора”-и Душанбе ва “Пахтакор”-и ноҳияи Ҷаббор Расулов якборӣ Ҷоми Тоҷикистонро соҳиб гаштаанд.
Париматч-Ҷоми Тоҷикистон-2021
Финал
«Истиқлол» – «Хуҷанд» – 0:2
Голҳо: Ҳоҷибой Зиёев, 105 (0:1). Артём Сердюк, 117 (0:2).
«Истиқлол» (Душанбе): Шоҳрух Қирғизбоев, Искандар Ҷалилов, Зоир Ҷӯрабоев, Аҳтам Назаров (Ислом Зоиров, 91), Далер Имомназаров, Амирбек Ҷӯрабоев, Шервонӣ Мабатшоев, Рёта Нома, Шаҳром Сулаймонов (Шарифбек Раҳматов, 79), Рустам Соиров, Манучеҳр Ҷалилов.
«Хуҷанд» (Хуҷанд): Далерҷон Баротов, Наимҷон Иброҳимзода, Самандар Очилов, Олимҷон Каримов (Комрон Турсунов, 68), Фирдавс Абдусалимов, Нозим Бобоҷонов, Далер Ёдгоров (Алишер Баротов, 68), Эҳсон Бобоев (Ҳоҷибой Зиёев, 102), Кароматулло Саидов, Артём Сердюк (Ҷумъабой Каримов, 118), Дилшод Бозоров.
9-уми декабр. Хуҷанд. Варзишгоҳи «20-солагии Истиқлолияти Тоҷикистон».
Натиҷаҳои ҳамаи бозиҳои ниҳоии Ҷоми Тоҷикистон (1992-2021):
1992 – «Помир» (Душанбе) – «Регар» (Турсунзода) – 1:0
1993 – «Ситора» (Душанбе) – «Равшан» (Кӯлоб) – 0:0. Аз рӯи пеналтӣ – 5:3
1994 – «Равшан» (Кӯлоб) – «Шодмон» (Ҳисор) – 2:1
1995 – «Пахтакор» (Ҷаббор Расулов) – «Регар-ТадАЗ» (Турсунзода) – 0:0. Аз рӯи пеналтӣ – 3:2
1996/1997 – «Вахш» (Қӯрғонтеппа) – «Хуҷанд» (Хуҷанд) – 4:0
1997/1998 – «Хуҷанд» (Хуҷанд) – «Ранҷбар» (Восеъ) – 2:1
1998 – «Варзоб» (Душанбе) – «Хуҷа Каримов» (Ғозималик) – 3:1
1999 – «Варзоб» (Душанбе) – «Регар-ТадАЗ» (Турсунзода) – 0:0. Аз рӯи пеналтӣ– 4:2
2000/2001 – «Регар-ТадАЗ» (Турсунзода) – «Варзоб» (Душанбе) – 4:2
2001/2002 – «Регар-ТадАЗ» (Турсунзода) – «Хуҷанд» (Хуҷанд) – 3:1
2002 – «Хуҷанд» (Хуҷанд) – «Вахш» (Қӯрғонтеппа) – 3:0
2003 – «Вахш» (Қӯрғонтеппа) – «Олимп-Ансол» (Кӯлоб) – 3:1
2004 – «Авиатор» (Бобоҷон Ғафуров) – «Ӯротеппа» (Истаравшан) – 5:0
2005 – «Регар-ТадАЗ» (Турсунзода) – «Вахш» (Қӯрғонтеппа) – 1:1. Аз рӯи пеналтӣ – 3:1
2006 – «Регар-ТадАЗ» (Турсунзода) – «Хима» (Душанбе) – 2:1
2007 – «Парвоз» (Бобоҷон Ғафуров) – «Хима» (Душанбе) – 1:0
2008 – «Хуҷанд» (Хуҷанд) – «Энергетик» (Душанбе) – 2:1
2009 – «Истиқлол» (Душанбе) – ССКА «Помир» (Душанбе) – 3:1
2010 – «Истиқлол» (Душанбе) – «Хуҷанд» (Хуҷанд) – 5:0
2011 – «Истиқлол» (Душанбе) – «Регар-ТадАЗ» (Турсунзода) – 0:1
2012 – «Истиқлол» (Душанбе) – «Регар-ТадАЗ» (Турсунзода) – 1:1. Аз рӯи пеналтӣ – 5:6
2013 – «Истиқлол» (Душанбе) – «Регар-ТадАЗ» (Турсунзода) – 2:0
2014 – «Истиқлол» (Душанбе) – «Регар-ТадАЗ» (Турсунзода) – 5:2
2015 – «Истиқлол» (Душанбе) – «Регар-ТадАЗ» (Турсунзода) – 2:2. Аз рӯи пеналтӣ – 6:5
2016 – «Истиқлол» (Душанбе) – «Ҳосилот» (Фархор) – 2:2. Аз рӯи пеналтӣ – 3:2
2017 – «Истиқлол» (Душанбе) – «Хуҷанд» (Хуҷанд) – 0:2
2018 – «Истиқлол» (Душанбе) – «Регар-ТадАЗ» (Турсунзода) – 1:0
2019 – «Истиқлол» (Душанбе) – «Регар-ТадАЗ» (Турсунзода) – 1:1. Аз рӯи пеналтӣ – 4:2.
2020 – «Равшан» (Кӯлоб) – «Хатлон» (Бохтар) – 1:0.
2021 – «Истиқлол» (Душанбе) – «Хуҷанд» (Хуҷанд) – 0:2
