Фурӯши чиптаҳои бозиҳои дӯстонаи тими миллии Тоҷикистон дар моҳи ноябри соли ҷорӣ, ки дар Душанбе баргузор мешаванд, оғоз шуд.
Нархи чиптаи вуруд ба тамоми нишастгоҳҳои варзишгоҳ (ғарб, шимол, шарқ ва ҷануб) 20 сомонӣ муқаррар шудааст. Нархи чиптаи категорияи VIP 200 сомонӣ мебошад. Чиптаҳоро метавонед аз хазинаи Варзишгоҳи марказии Душанбе ва аз платформаи echipta.tj дастрас намоед.
Бояд гуфт, ки мунтахаби Тоҷикистон рӯзи 13 ноябр бо тими миллии Непал бозии дӯстона анҷом медиҳад. Баъди се рӯз, 16-уми ноябр дар Душанбе бозӣ миёни дастаҳои мунтахаби Непал ва Афғонистон баргузор мешавад. Ва ниҳоят, рӯзи 19 ноябр рақобати санҷишии дастаҳои мунтахаби Тоҷикистону Афғонистон сурат мегирад. Ҳама вохӯриҳо дар Варзишгоҳи марказии Душанбе доир шуда, соати 18:00 оғоз мешаванд.