Бозии даври сенздаҳуми чемпионати Тоҷикистон-2023 байни дастаҳои КМВА – «Истиқлол» ба таъхир афтод – Федерация Футбола Таджикистана

Бозии даври сенздаҳуми чемпионати Тоҷикистон-2023 байни дастаҳои КМВА – «Истиқлол» ба таъхир афтод

Бюрои Кумитаи иҷроияи Лигаи футболи Тоҷикистон тасмим гирифт, ки бозии даври сенздаҳуми мусобиқаи қаҳрамонии Тоҷикистон-2023 байни бошгоҳҳои КМВА ва «Истиқлол»-и Душанбе, ки мебоист 3-юми июн баргузор гардад, ба рӯзи эҳтиётии тақвим гузаронида шавад.

Сабаби мавқуф гузоштан омодагии тими миллии Тоҷикистон ба мусобиқаи байналмилалии «CAFA Nations Cup-2023», ки аз 11 то 20 июн баргузор мешавад, гуфта шудааст. 11 футболбози дастаи «Истиқлол» ба тими миллӣ даъват шудаанд. Пагоҳ, 31-уми май мунтахаби Тоҷикистон барои анҷоми тамринот ба шаҳри Тошканд меравад.

Бояд гуфт, ки дар Ҷоми миллатҳои Ассотсиатсияи футболи Осиёи Марказӣ тими миллии Тоҷикистон дар гурӯҳи «А» бо дастаҳои Туркманистон (11 июн), Уммон (14 июн) ва Ӯзбекистон (17 июн) рақобат мекунад.

Назари худро бинависед