Рӯзномаи Конференсияи ҳисоботӣ-интихобии Федератсияи футболи Тоҷикистон барои давраи ҳисоботии аз 5 январи соли 2012 то 15 январи соли 2016, дар ҷаласаи Кумитаи Иҷроияи Федератсия тасдиқ шуд.
Рӯзномаи Конференсия мавзуҳои зеринро дар бар мегирад:
– Интихоби комиссияҳои кории Конференсия.
– Ҳисобот дар бораи фаъолияти Федератсияи футболи Тоҷикистон дар давраи ҳисоботии аз 5 январи соли 2012 то 15 январи соли 2016.
– Ҳисобот дар бораи фаъолияти молиявии Федератсияи футболи Тоҷикистон дар ин давраи ҳисоботӣ.
– Тасдиқи тағйиру иловаҳо ба Оинномаи Федератсияи футболи Тоҷикистон.
– Интихоби президенти Федератсияи футболи Тоҷикистон.
– Интихоби аъзоёни Кумитаи Иҷроияи Федератсияи футболи Тоҷикистон.
Конференсияи ҳисоботӣ-интихобӣ рӯзи ҷумъаи 15 январи ҳафтаи оянда, соати 8:30 дар меҳмонхонаи “Хаятт Риҷенси Душанбе” баргузор мешавад.