Ситоди мураббиёни тими миллии Тоҷикистон таҳти роҳбарии Гела Шекиладзе рӯйхати васеи дастаро барои бозиҳо бо дастаҳои Камбоҷа (5 июн) ва Филиппин (10 июн) эълон кард.
Ба ҳайат 55 бозигар – 5 дарвозабон, 16 ҳимоятгар, 23 нимҳимоятгар ва 11 ҳамлагар шомиланд. Рӯйхати ниҳоии бозигарони тими миллӣ, ки ба рақобатҳои моҳи июн омодагӣ мегиранд, дертар муайян карда мешавад.
Қобили зикр аст, ки мунтахаби Тоҷикистон рӯзи 5-уми июн бо тими Камбоҷа бозии дӯстона карда, 10-уми июн вохӯрии даври дуюми марҳилаи интихобии Ҷоми Осиё-2027-ро бо яккачини Филиппин анҷом медиҳад. Ҳарду дидор дар сафар баргузор мешаванд.