Довари футзали ФИФА аз Тоҷикистон Сӯҳроб Сатторов барои ҳакамии бозиҳои марҳилаи интихобии Ҷоми Осиё-2025 оид ба футзал миёни дастаҳои мунтахаби занона даъват шуд.
Сӯҳроб Сатторов бозиҳои даври интихобии Ҷоми Осиё-2025 оид ба футзалро дар гурӯҳи «С» бо ширкати дастаҳои занонаи Ӯзбекистон, Австралия, Туркманистон, Филиппин ва Кувайт доварӣ мекунад. Бозиҳо аз 11 то 19 январ дар Тошканд баргузор мешаванд.