Дар доираи ёддошти ҳусни тафоҳум миёни Федератсияҳои футболи Тоҷикистон ва Арабистони Саудӣ ҳайати доварон аз Тоҷикистон барои хидматрасонии бозиҳои Лигаи шоҳзода Муҳаммад бин Салмон – дивизиони аввали Арабистони Саудӣ даъват шуданд.
Чаҳор довари тоҷик – доварони ФИФА Сайёдҷон Зайниддинов (Душанбе) ва Насрулло Кабиров (Норак), инчунин ёварони доварони ФИФА – Ҳасан Каримов (Норак) ва Вафо Қараев (Шаҳринав) бозиҳои лигаи аввали Арабистони Саудиро ҳакамӣ хоҳанд намуд.
Қобили зикр аст, ки соли гузашта доварон аз Тоҷикистон – Сайёдҷон Зайниддинов, Насрулло Кабиров, Акмал Бӯриев ва Хусрави Сиддиқзод – ёздаҳ бозии Лигаи шоҳзода Муҳаммад бин Салмонро доварӣ карданд.