Бозии марказии даври сеюми Formula55 – Лигаи касбии футзали Тоҷикистон-2021 байни ду дастаи муддаии асосии унвони қаҳрамонии мусобиқаи имсола – «Соро компания»-и Душанбе ва «Сипар»-и Хуҷанд бо ҳисоби баробари натиҷаноки 3 бар 3 анҷом ёфт.
Ду голи «Соро компания»-ро легионери эронӣ Муҳсин Муҳаммадӣ ва 1 голи дигарро Файзалӣ Сардоров зад. Голҳои «Сипар»-ро бошад Баҳодур Хоҷаев, Парвиз Раҳматов ва Шавкат Ҳалимов заданд.
Дар бозии дигари ин давр байни «Истиқлол»-и Душанбе ва «Помир»-и Хоруғ низ ғолиб муайян нагашт. Ин вохӯрӣ бо ҳисоби баробари 2 бар 2 анҷом ёфт. Дебютанти лигаи дастаи футзали «Пойтахт» бошад дар сафар бар «Самандар»-и Турсунзода бо ҳисоби калони 7 бар 3 дастболо шуд. Баъд аз се даври бозиҳо дар ҷадвали мусобиқа дастаҳои футзали «Соро компания» ва «Сипар» бо ҳафт имтиёзӣ пешсаф мебошанд.
| Б | Ғ | М | Б | Т/Т | И | ||
| 1 | «Соро компания» (Душанбе) | 3 | 2 | 1 | 0 | 14-3 | 7 |
| 2 | «Сипар» (Хуҷанд) | 3 | 2 | 1 | 0 | 13-3 | 7 |
| 3 | «Истиқлол» (Душанбе) | 3 | 1 | 1 | 1 | 6-5 | 4 |
| 4 | «Помир» (Хоруғ) | 3 | 1 | 1 | 1 | 5-8 | 4 |
| 5 | «Пойтахт» (Душанбе) | 3 | 1 | 0 | 2 | 7-17 | 3 |
| 6 | «Самандар» (Турсунзода) | 3 | 0 | 0 | 3 | 5-14 | 0 |
Дар даври чорум вомехӯранд:
10 июл (шанбе)
12:00 – «Пойтахт» – «Истиқлол»
15:00 – «Самандар» – «Соро компания»
18:00 – «Помир» – «Сипар»