Имрӯз, 29 май Конфедератсияи футболи Осиё мизбонони бозиҳои марҳилаи интихобии Ҷоми Осиё-2024 оид ба футзалро эълон кард.
8 кишвар – Тоҷикистон, Ӯзбекистон, Қирғизистон, Баҳрайн, Тайбейи Чин, Индонезия, Муғулистон ва Таиланд макони баргузории бозиҳои интихобии Ҷоми Осиё-2024 интихоб шуданд. Вохӯриҳои интихобӣ аз 7 то 11 октябр баргузор мешаванд.
Қуръакашии марҳилаи интихобии Ҷоми Осиё-2024 22 июн дар қароргоҳи КФО воқеъ дар Куала-Лумпур доир шуда, соати 12:00 ба вақти Душанбе оғоз мегардад.
Аз рӯи натиҷаи қуръакашӣ 31 даста ба ҳашт гурӯҳ тақсим мешавад. Ғолибони гурӯҳ ва инчунин ҳафт дастаи беҳтарини ҷойҳои дуюм соҳиби роҳхат ба қисми ниҳоии Ҷоми Осиё оид ба футзал-2024 мегарданд.