«Соро компания» ва «Амонатбонк» дар финали Ҷоми Тоҷикистон-2022 ба ҳам меоянд – Федерация Футбола Таджикистана

«Соро компания» ва «Амонатбонк» дар финали Ҷоми Тоҷикистон-2022 ба ҳам меоянд

Дар бозии ниҳоии Ҷоми Тоҷикистон-2022 оид ба футзал рӯзи 7-уми декабр тимҳои шаҳри Душанбе – «Соро компания» ва «Амонатбонк» вомехӯранд. 

Имрӯз, 5 декабр дар маҷмааи варзишии Кумитаи андози Ҷумҳурии Тоҷикистон воқеъ дар шаҳри Душанбе бозиҳои даври ниманиҳоии Ҷоми Тоҷикистон баргузор шуданд. Қаҳрамони мамлакат тими «Соро компания» бар дастаи «Рахш-Такси» бо ҳисоби 6:2 ғалаба ба даст овард. Дар вохӯрии дигари даври 1/2 ниҳоӣ тими «Амонатбонк» аз «Вавилон» пурқувваттар баромад – 4:1.

Ҳамин тариқ, вохӯрии ниҳоии Ҷоми кишвар рӯзи 7 декабр бо ширкати дастаҳои «Соро компания» ва «Амонатбонк» сурат мегирад. Бозӣ дар маҷмааи варзишии Кумитаи андози Ҷумҳурии Тоҷикистон баргузор шуда, соати 19:30 оғоз мешавад.

 

Ҷоми Тоҷикистон-2022 оид ба футзал

1/2 ниҳоӣ

«Соро компания» – «Рахш-Такси» – 6:2

«Вавилон» — «Амонатбонк» – 1:4

 

Финал

7 декабр (чоршанбе)

Оғоз – соати 19:30

«Соро компания» – «Амонатбонк»

Душанбе, маҷмааи варзишии Кумитаи андози Ҷумҳурии Тоҷикистон

Назари худро бинависед