Ассотсиатсияи футболи Осиёи Марказӣ имсол даҳумин солгарди таъсиси худро ҷашн мегирад. Нахустин мусобиқа дар соли 2025 таҳти сарпарастии Ассотсиатсияи футболи Осиёи Марказӣ – чемпионати CAFA оид ба футзал байни дастаҳои мунтахаби футзали занона дар Душанбе баргузор мешавад.
Мусобиқа аз 7 то 17 феврал дар Қасри теннис ва маҷмааи варзиши обӣ доир мешавад. Ҳайати иштирокчиёни чемпионати CAFA-2025 ва формати баргузории мусобиқа дертар муайян мегарданд.
Ёдовар мешавем, ки ин чаҳорумин чемпионати CAFA байни дастаҳои футзали занона хоҳад буд. Чунин мусобиқа бори аввал соли 2022 ташкил шудааст. Дар солҳои 2022 ва 2024 чемпионати CAFA байни дастаҳои футзали занона дар Душанбе ва соли 2023 дар Тошканд роҳандозӣ гардида буданд. Дар ҳамаи онҳо тими футзали занонаи Эрон ғолиб гардидааст.