Дастаи мунтахаби Тоҷикистон тамринҳои қабл аз бозии даври дуюми марҳилаи гурӯҳии мусобиқаи «CAFA Nations Cup-2023» бо тими миллии Уммонро доир намуд.
Машқҳои дастаи мо дар яке аз майдонҳои тамринии Академияи «Бунёдкор» сурат гирифта, як соат давом кард. Ҳама 26 бозигаре, ки дар ихтиёри сармураббӣ Петр Сегрт ҳаст, ба бозии дарпешистода омодагӣ мебинад.
Бояд гуфт, ки вохӯрии даври дуюми марҳилаи гурӯҳии мусобиқаи «CAFA Nations Cup-2023» миёни дастаҳои Уммон ва Тоҷикистон рӯзи 14-уми июн дар варзишгоҳи «Пахтакор»-и Тошканд баргузор мешавад. Бозӣ соати 18:30 оғоз мегардад.
🏆 «CAFA Nations Cup-2023»
⚽️ Гурӯҳи «А». Даври 2
📅 14 июн (чоршанбе)
⌚️ Оғоз – соати 18:30
🇴🇲 Уммон – 🇹🇯 ТОҶИКИСТОН
🏟 Тошканд, варзишгоҳи «Пахтакор»