Дастаи мунтахаби Тоҷикистон дар марҳилаи интихобии Ҷоми Осиё-2023 пирӯзии дуюмашро ба даст овард.
Дастаи мунтахаби Тоҷикистон дар даври дуввуми марҳилаи интихобӣ бар тими Сингапур бо ҳисоби 1:0 пирӯз шуд. Нимҳимоятгар Шервонӣ Мабатшоев дар дақиқаи 53-юми вохӯрӣ муаллифи голи ягона ва пирӯзиовар гардид.
Дар даври ниҳоии марҳилаи интихобии Ҷоми Осиё-2023 мунтахаби Тоҷикистон рӯзи 14-уми июн бо тими миллии Қирғизистон бозӣ мекунад. Ин бозӣ дар варзишгоҳи ба номи Долон Омурзоқови шаҳри Бишкек баргузор шуда, соати 20:00 ба вақти Душанбе оғоз мешавад.
Бозиҳои интихобии Ҷоми Осиё-2023
Гурӯҳи F. Даври 2
Сингапур – ТОҶИКИСТОН – 0:1
Гол: Шервонӣ Мабатшоев, 53.
Тоҷикистон: Рустам Ятимов, Ваҳдат Ҳанонов, Зоир Ҷӯрабоев, Манучеҳр Сафаров, Аҳтам Назаров, Амирбек Ҷӯрабоев, Муҳаммадҷон Раҳимов (Далер Имомназаров, 83), Шервонӣ Мабатшоев (Алиҷон Кароматуллозода, 88), Эҳсони Панҷшанбе (Сиёвуш Асроров, 90+4), Парвизҷон Умарбоев (Нуриддин Ҳамроқулов, 83), Манучеҳр Ҷалилов.
11 июн. Бишкек. Варзишгоҳи Долон Омурзоқов. 84 тамошобин.