Дастаи мунтахаби Тоҷикистон моҳи март қабл аз бозиҳои интихобии Ҷоми ҷаҳон-2026 дар гурӯҳи «G» бо тими Арабистони Саудӣ дар шаҳри Давҳа ҷамъомади даҳрӯза анҷом медиҳад.
Дастаи мо аз 9 то 18 март дар Қатар тамрин мекунад. Бегоҳи 18-уми март тими Тоҷикистон аз Давҳа барои анҷоми бозии сеюми даври дуюми марҳилаи интихобии Ҷоми ҷаҳон-2026 бо тими Арабистони Саудӣ ба Риёз сафар мекунад. Ин вохӯрӣ 21-уми март дар варзишгоҳи Донишгоҳи Шоҳ Сауд баргузор шуда, соати 23:59 ба вақти Душанбе оғоз мешавад.
Сипас, тими миллии Тоҷикистон ба Душанбе бармегардад ва дар майдони худ бо мунтахаби Арабистони Саудӣ бозии интихобии Ҷоми ҷаҳон-2026-ро анҷом медиҳад. Ин рақобат рӯзи 26 март дар Варзишгоҳи марказии Душанбе баргузор шуда, соати 20:00 оғоз мегардад.
🏆 Ҷоми ҷаҳон-2026. Марҳилаи интихобӣ
✅ Даври дуюм. Гурӯҳи «G»
⚽️ Даври 3
📅 21 март (панҷшанбе)
⌚️ Оғоз – соати 23:59 ба вақти Душанбе
🇸🇦 Арабистони Саудӣ – 🇹🇯 ТОҶИКИСТОН
🏟 Риёз, Варзишгоҳи Донишгоҳи Шоҳи Сауд
⚽️ Даври 4
📅 26 март (сешанбе)
⌚️ Оғоз – соати 20:00
🇹🇯 ТОҶИКИСТОН – 🇸🇦 Арабистони Саудӣ
🏟 Душанбе, Варзишгоҳи марказии ҷумҳуриявӣ