Дар доираи омодагӣ ба қисми ниҳоии Ҷоми Осиё-2023 мунтахаби наврасони Тоҷикистон (U-17) таҳти роҳбарии Раҳматулло Фузайлов дар доираи ҷамъомади таълимиву тамринӣ дар Даммам аввалин бозии санҷишиашро доир намуд.
Имрӯз, 21-уми март наврасони мо бо ҳамсолони худ аз Арабистони Саудӣ бозии дӯстона анҷом доданд. Вохӯрӣ дар варзишгоҳи Шоҳзода Муҳаммад бин Фаҳди Даммам баргузор шуда, бо ҳисоби – 2:2 анҷом ёфт. Мунтахаби наврасони Тоҷикистон дар нимаи аввал бо ҳисоби 2:0 пешсаф буд, вале дар қисми дуюм ба дарвозаи худ ду гол сар дода, ғалабаро нигоҳ дошта натавонист. Аз ҳайати дастаи мо голҳоро Шаҳбон Наимов ва Абубакр Сулаймонов заданд.
Бозии дӯстона
Арабистони Саудӣ (U-17) – ТОҶИКИСТОН (U-17) – 2:2
Голҳои Тоҷикистон: Шаҳбон Наимов, Абубакр Сулаймонов.
21 март. Даммам, Арабистони Саудӣ. Варзишгоҳи Шоҳзода Муҳаммад бин Фаҳд.