Имрӯз мунтахаби футзали Тоҷикистон таҳти роҳбарии Пайрав Воҳидов барои ширкат дар мусобиқаи байналмилалӣ бахшида ба 956-умин солгарди шаҳри Минск ба Беларус сафар кард.
Дар мусобиқаи Минск се даста – мунтахабҳои Беларус, Тоҷикистон, инчунин бошгоҳи футзали КПРФ-и Русия ширкат мекунад. Ғайр аз ин дастаи мо бо чемпиони Беларус дастаи «Сталитса» вохӯрии рафиқона мегузаронад.
Ба ҳайати мунтахаби футзали Тоҷикистон 15 бозигар – 3 дарвозабон ва 12 бозигар шомил гардиданд.
Қобили зикр аст, ки дар мусобиқаи интихобии Ҷоми Осиё-2024 оид ба футзал мунтахаби Тоҷикистон дар гурӯҳи «Е» бо Ҳиндустон (7 октябр), Фаластин (9 октябр) ва Мянмар (11 октябр) рақобат мекунад. Ин бозиҳо дар шаҳри Душанбе доир мешаванд.
Ҳайати дастаи мунтахаби футзали Тоҷикистон:
Дарвозабонҳо: Фирӯз Бекмуродов («Истиқлол»), Фирӯз Бозмамадов («Соро компания»), Муродулло Алиқулов («Амонатбонк»);
Бозигарон: Дилшод Саломов, Файзалӣ Сардоров, Идрис Ёров, Муҳаммадҷон Шарифов, Некрӯз Алимаҳмадов, Бахтиёр Солиев, Самандар Ризомов, Муҳаммад Раҷабов (ҳама аз «Соро компания»), Комрон Алиев, Насратшо Исмоилов, Абдуқаюм Умаров (ҳама аз «Истиқлол»), Умед Кузиев («Амонатбонк»).
Сармураббӣ – Пайрав Воҳидов.
Мусобиқаи байналмилалӣ бахшида ба 956-солагии шаҳри Минск
8 сентябр (ҷумъа)
Оғоз – соати 20:30 ба вақти Душанбе
🇧🇾 Мунтахаби Беларус – 🇷🇺 КПРФ (Русия)
9 сентябр (шанбе)
Оғоз – соати 18:00 ба вақти Душанбе
🇷🇺 КПРФ (Русия) – 🇹🇯 Мунтахаби Тоҷикистон
10 сентябр (якшанбе)
Оғоз – соати 19:00 ба вақти Душанбе
🇧🇾 Мунтахаби Беларус – 🇹🇯 Мунтахаби Тоҷикистон