Марҳилаи пешакии Ҷоми Федератсияи футболи Тоҷикистон-2021 дар минтақаи Душанбе шурӯъ шуд.
Дар гурӯҳи “А” “Регар-ТадАЗ”-и Турсунзода бо ҳисоби калони 4 бар 1 “Шоҳмансур”-и пойтахтро шикаст дод. Бозии дигари ин гурӯҳ байни дастаҳои “Кӯктош”-и ноҳияи Рӯдакӣ ва КМВА-и Душанбе мусовии бе гол анҷом ёфт.
Дар гурӯҳи “Б” «Истиқлол» бо ҳисоби калони 5 бар 0 дастаи “Ваҳдат”-и шаҳри Ваҳдатро шикаст дод. «Барқчӣ»-и Ҳисор бошад бар «Душанбе-83»-и Душанбе бо ҳисоби 2 бар 1 зафар ёфт.
Ёдрас мешавем, ки марҳилаи гурӯҳии пешакии Ҷоми ФФТ-2021 дар минтақаи Душанбе аз рӯи низоми даврӣ дар як қисм баргузор мешавад ва дастаҳои дар гурӯҳ мақоми аввалро соҳибшуда, ба марҳилаи баъдӣ роҳ меёбанд. Марҳилаи ниҳоии мусобиқа моҳи феврал дар шаҳри Душанбе баргузор мешавад.
Ҷоми Федератсияи футболи Тоҷикистон-2021
Марҳилаи пешакӣ. Минтақаи Душанбе
Гурӯҳи «А». даври 1-ум
«Регар-ТадАЗ» – «Шоҳмансур» – 4:1
Голҳо: Фирӯз Қараев, 14 (1:0). Анӯшервони Қобилҷон, 23 – аз пеналти (1:1). Парвиз Бахтиёрзода, 29 (2:1). Диловаршо Ғаниев, 59 (3:1). Парвиз Бахтиёрзода, 69 (4:1).
Аз майдон хориҷ шуданд: Умед Бадалов («Шоҳмансур»), 21 – корти 2-юми зард, Шаҳром Назариев («Шоҳмансур»), 73 – ҷиддӣ халалдор намудани қоидаи бозӣ, Комил Ҷабборов («Шоҳмансур»), 88 – корти 2-юми зард, Акбар Бобомуродов («Регар-ТадАЗ»), 88 – корти 2-юми зард.
«Кӯктош» – КМВА – 0:0
| Б | Ғ | М | Б | Т/Т | И | ||
| 1 | «Регар-ТадАЗ» (Турсунзода) | 1 | 1 | 0 | 0 | 4-1 | 3 |
| 2 | «Кӯктош» (Рӯдакӣ) | 1 | 0 | 1 | 0 | 0-0 | 1 |
| 3 | КМВА (Душанбе) | 1 | 0 | 1 | 0 | 0-0 | 1 |
| 4 | «Локомотив-Помир» (Душанбе) | 0 | 0 | 0 | 0 | 0-0 | 0 |
| 5 | «Шоҳмансур» (Душанбе) | 1 | 0 | 0 | 1 | 1-4 | 0 |
Даври 2-юм
28 январ (панҷшанбе)
10:30 – «Шоҳмансур» – «Кӯктош». Душанбе, варзишгоҳи марказӣ
14:00 – «Локомотив-Помир» – «Регар-ТадАЗ». Душанбе, Варзишгоҳи марказӣ
Гурӯҳи «Б». даври 1-ум
«Душанбе-83» – «Барқчӣ» – 1:2
Голҳо: Шавкати Ҳотам, 53 (1:0). Асадбек Ҷӯрабекзода, 81 (1:1). Асадбек Ҷӯрабекзода, 90+1 (1:2).
«Ваҳдат» – «Истиқлол» – 0:5
Голҳо: Манучеҳр Ҷалилов, 8 (0:1). Шаҳром Сулаймонов, 13 (0:2). Мухаммадҷон Раҳимов, 21 (0:3). Муҳаммадҷон Раҳимов, 28 (0:4). Хуршед-Тимур Ҷӯраев, 89 (0:5).
| Б | Ғ | М | Б | Т/Т | И | ||
| 1 | «Истиқлол» (Душанбе) | 1 | 1 | 0 | 0 | 5-0 | 3 |
| 2 | «Барқчӣ» (Ҳисор) | 1 | 1 | 0 | 0 | 2-1 | 3 |
| 3 | «Душанбе-83» (Душанбе) | 1 | 0 | 0 | 1 | 1-2 | 0 |
| 4 | «Ваҳдат» (Ваҳдат) | 1 | 0 | 0 | 1 | 0-5 | 0 |
Даври 2-юм
28 январ (панҷшанбе)
10:30 – «Барқчӣ» – «Истиқлол». Ҳисор, варзишгоҳи марказӣ
14:00 – «Душанбе-83» – «Ваҳдат». Ҳисор, Варзишгоҳи марказӣ