Чемпиони Тоҷикистон “Истиқлол”-и Душанбе дар Лигаи қаҳрамонҳои Осиё-2021 ғалабаи сеюми худро ба даст оварда, барои баромадан ба бозиҳои марҳилаи 1/8 финали мусобиқа роҳашро ҳамвортар намуд.
Дар даври панҷуми бозиҳо “Истиқлол” дар гурӯҳи “А” ба қаҳрамони Имороти Муттаҳидаи Арабӣ, бошгоҳи футболи “Шубоб Ал-Аҳлӣ Дубай” бо ҳисоби 1 бар 0 пирӯз шуд. Голи ягона ва ғалабаоварро дар дақиқаи 90+6 капитани “Истиқлол” Алишер Ҷалилов зад.
Ин сеюмин ғалабаи “Истиқлол” дар марҳилаи гурӯҳии Лигаи қаҳрамонҳои КФО-2021 мебошад. Қаблан, дастаи мо бар АГМК (Узбекистон) бо ҳисоби 3 бар 1 ва бар “Ал-Ҳилол”(Арабистони Саудӣ) бо ҳисоби 4 бар 1 дастболо шуда буд.
Ба ин тартиб, баъд аз панҷ даври бозиҳо “Истиқлол” ва “Ал-Ҳилол” бо 10 имтиёзӣ, мутаносибан дар садри ҷадвали гурӯҳи “А” қарор доранд.
Акнун дар даври ҷамъбастии марҳилаи гурӯҳии Лигаи қаҳрамонҳои Осиё-2021 “Истиқлол” бо АГМК-и Узбекистон бозӣ мекунад. Ин бозӣ рӯзи 30 апрел, соати 23:55 ба вақти Душанбе баргузор мешавад.
Лигаи қаҳрамонҳои КФО-2021
Гурӯҳи «А». Даври 5-ум
«Шубоб Ал-Аҳли Дубай» (АМА) – «ИСТИҚЛОЛ» (ТОҶИКИСТОН) – 0:1
Гол: Алишер Ҷалилов, 90+6.
«Истиқлол» (Тоҷикистон): Рустам Ятимов, Алексей Ларин, Андрей Мищенко, Зоир Ҷӯрабоев (Ваҳдат Ҳанонов, 90+1), Манучеҳр Сафаров, Аҳтам Назаров (Муҳаммадҷон Раҳимов, 90+6), Нуриддин Давронов, Шаҳром Сулаймонов (Хуршед Ҷӯраев, 90+1), Алишер Ҷалилов, Рустам Соиров, Манучехр Ҷалилов.
27 апрел. Риёз. Варзишгоҳи байналмилалии Шоҳ Фаҳд.
АГМК (Узбекистон) – «Ал-Ҳилол» (Арабистони Саудӣ) – 0:3
Б | В | М | Б | Т/Т | И | ||
1 | «ИСТИҚЛОЛ» (ТОҶИКИСТОН) | 5 | 3 | 1 | 1 | 9-6 | 10 |
2 | «Ал-Ҳилол» (Арабистони Саудӣ) | 5 | 3 | 1 | 1 | 11-7 | 10 |
3 | «Шубоб Ал-Аҳли» (АМА) | 5 | 1 | 1 | 3 | 4-6 | 5 |
4 | АГМК (Узбекистон) | 5 | 1 | 1 | 3 | 7-12 | 4 |
Дар даври 6-ум вомехӯранд:
30 апрел (ҷумъа)
22:00 – «ИСТИҚЛОЛ» (ТОҶИКИСТОН) – АГМК (Узбекистон).
Риёз, Варзишгоҳи байналмилалии Шоҳ Фаҳд
22:00 – «Ал-Ҳилол» (Арабистони Саудӣ) – «Шубоб Ал-Аҳли Дубай» (АМА).
Риёз, варзишгоҳи Шоҳзода Фейсал Бин Фаҳд
Эзоҳ: оғози бозиҳо ба вақти саудӣ.