Ҳимоятгари 22-солаи дастаи «Персеполис»-и Эрон Ваҳдат Ҳанонов аввалин голи худро дар ҳайати тими миллии Тоҷикистон ба самар расонд.
Ваҳдат Ҳанонов дар дақиқаи 44-уми бозии даври дуюми марҳилаи гурӯҳии мусобиқоти «CAFA Nations Cup-2023» бо тими миллии Уммон (1:1), голи аввалини худро дар ҳайати мунтахаби Тоҷикистон ба қайд гирифт.
Бояд гуфт, Ваҳдат Ҳанонов аз соли 2017 ба ҳайати мунтахаби Тоҷикистон ҷалб мешавад. Ӯ бозии нахустинашро бо пироҳани мунтахаби Тоҷикистон 16 декабри соли 2018 дар бозии дӯстона бо тими миллии Уммон (0:1) дар Масқат анҷом дода буд. Вохӯрии имрӯза бо тими Уммон дар чаҳорчӯби мусобиқаи «CAFA Nations Cup-2023» барои Ҳанонов 20-умин рақобат дар ҳайати мунтахаби кишвар ба ҳисоб меравад.