“Истиқлол” ба нимфинали Ҷоми миллӣ қадами устувор ниҳод

Бозии якуми марҳилаи чорякфинали Ҷоми Тоҷикистон, ки имрӯз байни “Истиқлол” ва “Хуҷанд” дар Варзишгоҳи марказии ҷумҳуриявӣ баргузор гардид, бо ҳисоби бузурги 6 бар 1 ба фоидаи футболбозони пойтахт анҷом ёфт. Баъди ғалаба бо чунин ҳисоб бо боварӣ метавон гуфт, ки “Истиқлол” ба нимфинали Ҷоми миллӣ қадами устувор ниҳод ва бозии ҷавобӣ, ки рӯзи 19 август дар варзишгоҳи “20-солагии Истиқлолияти Тоҷикистон” баргузор мешавад, ба гумон аст, ки чизеро тағийр кунад.