Ҷавонони “Истиқлол” иродаи қавӣ нишон доданд

Баъди танафуси якмоҳа мусобиқа байни ҳайатҳои ҷавонони дастаҳои лигаи олии кишвар эҳё гардид. Пешсафи ҷадвали мусобиқа ҳайати захиравии “Истиқлол”-и пойтахт дар меҳмонӣ бар ҷовонони “Вахш” бо ҳисоби 2 бар 1 ғолиб шуд. Дар ин бозӣ аввалӣ шуда ҳисобро соҳибони майдон боз карданд. Голро Азиз Бегов ба нишон зад. Аммо шогирдони Баҳодур Суфиев матонату қавииродагӣ зоҳир намуда, муваффақ шуданд, ки ба як голи задаи қӯрғонтеппагиҳо бо ду гол ҷавоб гӯянд. Голҳои ҷавонони дастаи пойтахтро Шериддин Бобоев ва Амирҷон Сафаров ба ҳадаф расониданд. Баъди ин ғалаба ҷавонони “Истиқлол” бо 28 имтиёз мавқеи пешсафиашонро дар садри ҷадвали мусобиқа мустаҳкамтар карданд.

Мусобиқа байни ҳайатҳои ҷавонони дастаҳои лигаи олӣ. Даври 10–ум.

«ВАХШ» – «ИСТИҚЛОЛ» – 1:2

Голҳо: Азиз Бегов, 20 (1:0). Шериддин Бобоев, 69 (1:1). Амирҷон Сафаров, 76 (1:2).

«ХАЙР» – «ПАРВОЗ» – 2:1

Голҳо: Қурбонбек Ҳайдаров, 11 (0:1). Шарафҷон Солеҳов, 30 –аз пеналти (1:1). Алишер Эргашев, 84 (2:1).

«ДАЛЕРОН-УРОТЕППА» – «РАВШАН» – 2:0

Голҳо: Шаҳзоди Алишер, 52 (1:0). Аваз Норкузиев, 68 (2:0).

«РЕГАР-ТАДАЗ» – КМВА «ПОМИР» – 2:1

Голҳо: Зафар Шарипов, 55 (1:0). Акбар Бобомуродов, 78 (2:0). Зоир Ҷӯрабоев, 90+5 – аз пеналти (2:1).

Аз майдон хориҷ шуд: Самадҷон Шарифов (КМВА «Помир»), 90+3 – барои таҳқири ҳайати доварон.

«БАРҚИ ТОҶИК» – «ХУҶАНД» – 1:3

Голҳо: Руслан Раҳматов, 23 (0:1). Дилшод Бозоров, 40 (0:2). Азамҷон Хурсанов, 49 (1:2). Дилшод Бозоров, 79 (1:3).