Ба диққати рӯзноманигорон! Пагоҳ, 5-уми сентябр соати 11:00 дар меҳмонхонаи «Румӣ»-и шаҳри Душанбе бахшида ба оғози марҳилаи интихобии Ҷоми Осиё-2024 байни дастаҳои олимпии то 23-сола дар гурӯҳи «I» нишасти хабарӣ баргузор мешавад.
Ба саволҳои рӯзноманигорон сармураббиёни дастаҳои олимпии Тоҷикистон, Австралия ва Лаос – Мубин Эргашев, Энтони Видмар ва Гулйелмо Арена посух хоҳанд дод.
Қабл аз оғози нишасти хабарӣ рӯзноманигорон метавонанд барои инъикоси бозиҳои марҳилаи интихобӣ, ки аз 6 то 12 сентябр дар Варзишгоҳи марказии Душанбе баргузор мешаванд, бейҷҳои аккредитатсионӣ гиранд.
Барои маълумоти бештар метавонед ба рақамҳои телефонии мазкур муроҷиат намоед: (+992) 918667387 (Фаридун Солиев).