Дар шаҳри Риёз имшаб бозиҳои ниҳоии даври аввали марҳилаи гурӯҳии Лигаи қаҳрамонҳои КФО-2022 дар чаҳоргонаи «А» баргузор мешаванд.
Қаҳрамони Тоҷикистон, «Истиқлол»-и Душанбе бо ғолиби феълии мусобиқа, бошгоҳи «Ал-Ҳилол»-и Арабистони Саудӣ, ки дар оғози мусобиқот ду пирӯзӣ ба даст овардааст, вомехӯрад.
Вохӯрии «Ал-Ҳилол» ва «Истиқлол» дар варзишгоҳи «Шоҳзода Файсал Бин Фаҳд»-и Риёз баргузор шуда, соати 23:15 ба вақти маҳаллӣ (01:15, 16 апрел ба вақти Душанбе) оғоз мешавад. Шабакаи телевизионии «Варзиш» ин бозиро мустақиман намоиш медиҳад.
Дар бозии душвори имрӯза ба қаҳрамони Тоҷикистон барору комёбӣ таманно дорем!
Лигаи чемпионҳои КФО-2022
Гурӯҳи «А». Даври 3-юм
16 апрел (шанбе)
Бозӣ соати 01:15 ба вақти Душанбе оғоз мешавад
«Ал-Ҳилол» (Арабистони Саудӣ) – «ИСТИҚЛОЛ» (ТОҶИКИСТОН)
Варзишгоҳи «Шоҳзода Файсал Бин Фаҳд»-и Риёз