Дар бозии марказӣ ва ҷамъбастии даври панҷуми Чемпионати Тоҷикистон дар Варзишгоҳи марказии шаҳри Душанбе дастаи «Истиқлол» бар «Ҳосилот» бо натиҷаи 8:2 ғолиб омад. Ин натиҷаи аз ҳама бузург дар мавсими футболи соли 2017 мебошад.
Дар доираи Чемпионатҳои мамлакат «Истиқлол» бо «Ҳосилот» 4 бозии расмӣ гузаронида, дар се вохӯрӣ ғалаба кард (4:1, 5:0, соли 2012, 2:1, 1:1, соли 2016) ва як бозиро мусовӣ анҷом дод.
Ин навбат ҳам, фишори «Истиқлол» дар бозӣ бараъло намудор шуд ва футболбозонаш дар ҳар қисм ба дарвозаи меҳмони худ 4 тӯбӣ зада, натиҷаи барои худ мувофиқро бар ҷой гузоштанд.
Манучеҳр Ҷалилов -нишонзани беҳтарини мавсимҳои гузаштаи футболи Тоҷикистон дар ин вохӯрӣ ба дарвозаи «Ҳосилот» 4 тӯб зада, шумораи голҳояшро дар се вохӯрии дастааш ба 7 адад баробар кард.
«Истиқлол» ва «Ҳосилот» вохӯриро 10 нафара ба поён расониданд. Довари бозӣ Беҳрӯз Муртазоев дар дақиқаи 78-ум барои дағалона вайрон кардани қоидаи бозӣ Сиёвуш Асроровро бо корти сурхи мустақим ҷазо дод ва аз майдон ронд. Корти дуввуми зард дар дақиқаи 88-ум ҳамлагари дастаи «Ҳосилот» Шодибек Ғаффоровро низ аз идома додани бозӣ маҳрум кард.
Чемпионати Тоҷикистон. Лигаи олӣ. Бозии даври 5
«Истиқлол» – «Ҳосилот» – 8:2
Голҳо: Манучеҳр Ҷалилов, 11 – аз пеналтӣ (1:0). Нуриддин Давронов, 13 (2:0). Агблей Ҷонс, 19 (2:1). Манучеҳр Ҷалилов, 33 (3:1). Аҳтам Назаров, 38 (4:1). Манучеҳр Ҷалилов, 49 (5:1). Манучеҳр Ҷалилов, 52 (6:1). Ҷаҳонгир Алиев, 53 (7:1). Дилшод Восиев, 57 (8:1). Шодибек Ғаффоров, 80 (8:2).
«Истиқлол» (Душанбе): Никола Стошич, Сиёвуш Асроров, Артем Барановский, Аҳтам Назаров, Дэвид Мавутор (Эхсони Панҷшанбе, 60), Амирбек Ҷӯрабоев (Ромиш Ҷалилов, 35), Ҷаҳонгир Алиев (Дилшод Восиев, 55), Нуриддин Давронов, Фатҳулло Фатҳуллоев, Дмитрий Барков, Манучеҳр Ҷалилов.
«Ҳосилот» (Фархор): Фатҳулло Бобоев (Рустам Ризоев, 46), Содиқ Мӯсо, Ҳасан Рустамов, Сафаралӣ Каримов, Абдусамад Хоҷибоев (Саидалии Сафаралӣ, 65), Шодибек Ғаффоров, Хайрулло Азизов, Муҳаммадҷони Ҳасан, Абдурасул Раҳмонов, Наврӯз Рустамов (Акуффо Гершон, 46), Агблей Ҷонс.
Огоҳӣ: Ромиш Ҷалилов, Дэвид Мавутор, Эҳсони Панҷшанбе («Истиқлол»), Агблей Ҷонс («Ҳосилот»).
Ронда шуданд: Сиёвуш Асроров («Истиқлол»), 78 –бо пой зарбаи хатрнок задан ба ҳариф, Шодибек Ғаффоров («Ҳосилот»), 88 – корти зарби 2.
Бозингари беҳтарин: Манучеҳр Ҷалилов («Истиқлол»).
Довари майдон: Беҳрӯз Муртазоев (Душанбе).
Нозири доварон: Равшан Ишматов (Қӯрғонтеппа).
Комиссари бозӣ: Азизҷон Достиев (Турсунзода).
11 апрел. Душанбе. Варзишгоҳи марказӣ. 2500 тамошобин.
| Б | Ғ | М | Б | Т/Т | И | ||
| 1 | «Ҳосилот» (Фархор) | 5 | 3 | 0 | 2 | 9-11 | 9 |
| 2 | «Истиқлол» (Душанбе) | 3 | 2 | 1 | 0 | 14-2 | 7 |
| 3 | «Хуҷанд» (Хуҷанд) | 4 | 2 | 1 | 1 | 5-3 | 7 |
| 4 | КМВА «Помир» (Душанбе) | 4 | 1 | 3 | 0 | 1-0 | 6 |
| 5 | «Регар-ТадАЗ» (Турсунзода) | 5 | 1 | 2 | 2 | 3-4 | 5 |
| 6 | «Вахш» (Қӯрғонтеппа) | 5 | 1 | 2 | 2 | 2-4 | 5 |
| 7 | «Панҷшер» (Ҷалолиддин Балхӣ) | 5 | 1 | 2 | 2 | 3-6 | 5 |
| 8 | «Барқчӣ» (Ҳисор) | 5 | 1 | 1 | 3 | 2-9 | 4 |
Даври 6
14 апрел (ҷумъа)
Оғози бозӣ, соати 18:30
«Истиқлол» – «Панҷшер»
15 апрел (шанбе)
Оғози бозӣ, соати 16:00
«Регар-ТадАЗ» – КМВА «Помир»
16 апрел (якшанбе)
Оғози бозӣ, соати 16:00
«Барқчӣ» – «Хуҷанд»
«Ҳосилот» – «Вахш»