Рӯзи якшанбеи 6 сентябр, ду бозии боқимондаи даври ҷамъбастии қисми якуми Лигаи касбии футзали Тоҷикистон доир шуд.
“Муҳоҷир”-и Душанбе дар бозии хонагии худ бо щисоби бузурги 11 бар 1 «Самандар»-и турсунзодаро шикаст дод. Дар ҳайати ғолибон Самандар Ризомов ба задани панҷ гол муваффақ шуд.
Дар бозии дигар чемпиони феълии футзали Тоҷикистон «Соро компания»-и душанбе дар сафар бар «Истаравшан» бо ҳисоби 4 бар 2 пирӯзӣ ёфт. Дар ин бозӣ ду голи “Соро компания”-ро Насим Шарипов ва як голиро Идрис Ёров ва Муҳаммад Раҷабов заданд.
Бозии ҷамъбастии даври охирони қисми якуми Лигаи касбии футзали Тоҷикистон рӯзи сешанбеи 8 сентябр баргузор мешавад ва дар он ғолиби қисми якуми мусобиқа дастаи футзали “Сипар”-и Хуҷанд дар майдони худ «Равшан»-и Кӯлобро қабул мекунад.
Ба ин тартиб, «Сипар» ва «Соро компания» ба бозиҳои ниманиҳоии Лигаи касбии футзали Тоҷикистон роҳ ёфта, интизори ҳарифони худ ҳастанд.
Ду ҷуфти чорякниҳоии мусобиқаро дастаҳои «Муҳоҷир» – «Самандар» ва «Истаравшан» – «Равшан» ташкил медиҳанд. Бозиҳои 1/4 финалӣ аз силсилаи то ду ғалаба иборат буда, баъди анҷоми мусобиқа барои Ҷоми футзали Тоҷикистон баргузор мешаванд.
Лигаи касбии футзали Тоҷикистон. Даври 10-ум
«Муҳоҷир» – «Самандар» – 11:1
Голҳо: Самандар Ризомов, 8 (1:0). Акбар Маманазаров, 18 (1:1). Самандар Ризомов, 19 (2:1). Хайём Дарвешов, 23 (3:1). Самандар Ризомов, 24 (4:1). Беҳрӯз Алимаҳмадов, 28 (5:1). Нуриддин Маҷидов, 29 (6:1). Самандар Ризомов, 32 (7:1). Самандар Ризомов, 34 (8:1). Беҳрӯз Алимаҳмадов, 35 (9:1). Муҳаммадҷони Асламхон, 37 (10:1). Хайём Дарвешов, 39 (11:1).
Беҳтарин бозигари вохӯрӣ: Муродҷон Муродов («Муҳоҷир»).
6 сентябр. Душанбе. Маҷмааи варзишии Кумитаи андози Ҷумҳурии Тоҷикистон.
«Истаравшан» – «Соро компания» – 2:4
Голҳо: Шаҳбоз Бобоҷонов, 2 (0:1). Насим Шарипов, 4 (1:1). Ҳусейн Расулов, 8 (2:1). Идрис Ёров, 13 (2:2). Муҳаммад Раҷабов, 25 (2:3). Насим Шарипов, 34 (2:4).
Беҳтарин бозигари вохӯрӣ: Муҳаммад Раҷабов («Соро компания»).
6 сентябр. Истаравшан. Маҷмааи варзишии «Далерон».
8 сентябр (сешанбе)
16:00 – «Сипар» – «Равшан». Хуҷанд, Маҳмааи варзишии «Қасри Варзиш»
| Б | Ғ | М | Б | Т/Т | И | ||
| 1 | «Сипар» (Хуҷанд) | 9 | 8 | 1 | 0 | 68-22 | 25 |
| 2 | «Соро компания» (Душанбе) | 10 | 8 | 1 | 1 | 82-17 | 25 |
| 3 | «Муҳоҷир» (Душанбе) | 10 | 5 | 0 | 5 | 57-51 | 15 |
| 4 | «Истаравшан» (Истаравшан) | 10 | 4 | 0 | 6 | 66-72 | 12 |
| 5 | «Равшан» (Кӯлоб) | 9 | 2 | 0 | 7 | 42-79 | 6 |
| 6 | «Самандар» (Турсунзода) | 10 | 1 | 0 | 9 | 37-111 | 3 |
Нишонзанҳо: Шаҳбоз Бобоҷонов («Истаравшан») – 21 гол, Самандар Ризомов («Муҳоҷир») – 20 гол, Иқбол Воситзода («Сипар») – 14 гол, Фаридун Расулов («Истаравшан»), Собирҷон Гуляков («Сипар») – 13 голӣ, Некрӯз Алимаҳмадов, Муҳаммад Раҷабов (ҳарду «Соро компания») – 11 гол.
Дар бозиҳои 1/4 финалӣ вомехӯранд:
«Муҳоҷир» – «Самандар»
«Истаравшан» – «Равшан»