Дар маҷмааи варзишии Кумитаи андози Ҷумҳурии Тоҷикистон воқеъ дар шаҳри Душанбе марҳилаи гурӯҳии Ҷоми Тоҷикистон-2022 оид ба футзал ба анҷом расида, иштирокчиёни даври ниманиҳоии мусобиқа муайян гардиданд.
Дар марҳилаи гурӯҳии Ҷоми Тоҷикистон-2022 ҳашт даста ба ду гурӯҳ тақсим шуданд. Бозиҳо дар ин марҳила аз рӯйи системаи гурӯҳӣ гузаронида шуданд.
Дар гурӯҳи «А» қаҳрамони Тоҷикистон, «Соро компания»-и Душанбе бар «Вавилон» (16:7), «Пойтахт» (19:2) ва «Осимӣ» (6:2) пирӯзии калон ба даст овард. Дастаи Пайрав Воҳидов бо нуҳ имтиёз дар чаҳоргонаи худ мақоми аввалро касб кард. Як роҳхати дигари даври ниманиҳоиро аз гурӯҳи «А» дастаи «Вавилон» (6 имтиёз) соҳиб шуд.
Дар гурӯҳи «Б» ду даста – «Амонатбонк» ва «Рахш-Такси» пас аз се бозӣ ҳафт имтиёзӣ ба даст овардаанд, вале ба далели беҳтар будани таносуби тӯбҳо мақоми аввалро «Амонатбонк» касб кард.
Рӯзи 7 декабр дар маҷмааи варзишии Кумитаи андози ҶТ бозиҳои даври ниманиҳоии Ҷоми Тоҷикистон-2022 баргузор мешаванд. Соати 18:00 вохӯрии «Соро компания» ва «Рахш-Такси» оғоз мегардад. Дар вохӯрии дигари даври 1/2 ниҳоӣ, соати 19:30 «Вавилон» ва «Амонатбонк» ба ҳам меоянд.
Бояд гуфт, ки вохӯрии ниҳоии Ҷоми кишвар оид ба футзал рӯзи 9 декабр сурат мегирад.
Ҷоми Тоҷикистон-2022 оид ба футзал
Даври 1
Гурӯҳи «А»
«Осимӣ» – «Пойтахт» – 8:0
«Соро компания» – «Вавилон» – 16:7
Гурӯҳи «Б»
«Амонатбонк» – «Заргар» – 11:3
«Рахш-Такси» – «Самандар» – 10:2
Даври 2
Гурӯҳи «А»
«Соро компания» – «Пойтахт» – 19:2
«Вавилон» – «Осимӣ» – 9:7
Гурӯҳи «Б»
«Рахш-Такси» – «Заргар» – 6:3
«Самандар» – «Амонатбонк» – 3:11
Даври 3
Гурӯҳи «А»
«Пойтахт» – «Вавилон» – 5:6
«Осимӣ» – «Соро компания» – 2:6
Гурӯҳи «Б»
«Заргар» – «Самандар» – 5:0
«Амонатбонк» – «Рахш-Такси» – 6:6
Даври ниманиҳоӣ
5 декабр (душанбе)
18:00 – «Соро компания» – «Рахш-Такси»
19:30 – «Вавилон» – «Амонатбонк»