Рӯзи якшанбеи 20 сентябр, дар доираи бозии якуми марҳилаи нимфинали Ҷоми миллӣ КМВА “Помир” дар майдони худ “Регар-ТадАЗ”-ро қабул кард.
Бозӣ мусовӣ ва бидуни гол анҷом ёфт. Мудофиачиён имконияти бештари ғолиб шуданро доштанд. Аммо дар дақиқаи 21-уми бозӣ ҳамлагари даста Давронҷон Тухтасунов пеналтиро ба самар расонида натавонист. Гуфтан ҷоиз аст, ки меҳмонон бозиро дар шумораи даҳ нафар анҷом карданд. Дар дақиқаи 72-юми вохӯрӣ баъди дуюмбора бо корти зард огоҳонида шудан Фирӯз Қараев аз майдон хориҷ шуд. Акнун тақдири роҳхат ба финали Ҷоми Тоҷикистон дар бозии ҷавобӣ, ки рӯзи 1 октябр дар варзишгоҳи “Металлург”-и шаҳри Турсунзода доир мешавад, ҳал хоҳад шуд.
Дар бозии дигари нимфиналӣ “Истиқлол”-и Душанбе рӯзи сешанбеи 22 сентябр дар Варзишгоҳи марказии ҷумҳуриявӣ бо “Равшан”-и Кӯлоб рӯбарӯ мешавад. Бозии ҷавобӣ рӯзи 25 сентябр дар Кӯлоб доир хоҳад шуд.
Ҷоми Тоҷикистон-2015
1/2 финал. Бозии аввал
КМВА «ПОМИР» – «РЕГАР-ТАДАЗ» – 0:0
Пеналтии амалинашуда: Давронҷон Тухтасунов (КМВА «Помир»), 21.
КМВА «Помир» (Душанбе): Анатолий Старушенко, Фирдавс Чақалов, Фурӯғ Қодиров, Сефах Жаке Нана, Павел Калугин, Парвиз Кашкаров, Андох Наполеон, Шамсиддин Қосимов, Сайёди Ковусшо (Беҳзод Шарифов, 83), Давронҷон Тухтасунов, Орзу Додхудоев.
«Регар-ТадАЗ» (Турсунзода): Алишер Додов, Далерҷон Тухтасунов, Ойбек Абдуғаффоров, Бахтиёр Азимов, Фаррух Чориев, Расул Пайзов, Нозим Бобоҷонов, Фирӯз Қараев, Музаффар Сироҷиддинов (Шерзод Маҳамадиев, 59), Комрон Турсунов, Комил Саидов.
Огоҳонида шуданд: Шамсиддин Қосимов, Сефах Жаке Нана (КМВА «Помир»), Фаррух Чориев («Регар-ТадАЗ»).
Аз майдон хориҷ шуд: Фирӯз Қараев («Регар-ТадАЗ»), 72 – корти 2-юми зард.
Беҳтарин бозигари вохӯрӣ: Алишер Додов («Регар-ТадАЗ»).
Сардовар: Парвиз Муртазоев (Душанбе) – 8 хол.
Нозири бозӣ: Шавкат Ахмедов (Душанбе).
20 сентябр. Душанбе, Варзишгоҳи КМВА Вазорати мудофиаи Ҷумҳурии Тоҷикистон. 700 тамошобинон.
22 сентябр (сешанбе)
Оғози бозӣ соати 16:00
«ИСТИҚЛОЛ» – «РАВШАН»
Сардовар: Диловаршоҳ Орзуев (Ҳисор).
Ёварон: Акмал Буриев (Турсунзода), Ҳамза Шоймардонов (Хуросон).
Довари эҳтиётӣ: Ҷамолиддин Оев (Варзоб).
Нозири бозӣ: Шариф Назаров (Душанбе).
Душанбе, Варзишгоҳи марказии ҷумҳуриявӣ
1/2 финал. Бозиҳои ҷавобӣ
25 сентябр (ҷумъа)
Оғози бозӣ соати 15:30
«РАВШАН» – «ИСТИҚЛОЛ»
Сардовар: Сайёдҷон Зайниддинов (Душанбе).
Ёварон: Хусрави Сиддиқзод, Беҳрӯз Муртазоев (ҳар ду аз Душанбе).
Довари эҳтиётӣ: Некрӯз Умаров (Қӯрғонтеппа).
Нозири бозӣ: Анваршо Мирзоев (Душанбе).
Кӯлоб, варзишгоҳи Марказӣ
1 октябр (панҷшанбе)
Оғози бозӣ соати 15:30
«РЕГАР-ТАДАЗ» – КМВА «ПОМИР»
Сардовар: Хуршед Дадобоев (Хуҷанд).
Ёварон: Сафармаҳмад Шоймардонов (Хуросон), Сайвалӣ Турдиев (Қӯрғонтеппа).
Довари эҳтиётӣ: Вафо Қараев (Шаҳринав).
Нозири бозӣ: Алишер Урунов (Душанбе).
Турсунзода, варзишгоҳи «Металлург»