Дастаи мунтахаби наврасони зери 16 солаи Тоҷикистон бо роҳбарии сармураббӣ Зайниддин Раҳимов дар мусобиқаи байналмилалии Ҷоми «Роҳи абрешим – Хуашан-2016» (Silk Road – Hua Shan Cup-2016) медалҳои нуқраро ба даст овард. Мусобиқа рӯзи 15-уми июл дар Хуашани Чин ба охир расид.
Дар даври ҷамъбастии мусобиқа шогирдони Зайнидин Раҳимов бар соҳибони майдон наврасони Чин бо ҳисоби 1 бар 0 пирӯз шуданд. Дар бозии дигар мунтахаби наврасони Кореяи Ҷанубӣ ҳамсолони туркмани худро бо ҳисоби калони 3 бар 0 шикаст дод.
Ба ин тартиб, мунтахаби наврасони Кореяи Ҷанубӣ бо 9 имтиёз мақоми ааввал ва наврасони Тоҷикистон бо 6 имтиёз медалҳои нуқраи мусобиқаро ба даст оварданд. Дар ин мусобиқа дружинаи Зайниддин Раҳимов танҳо дар даври аввал аз ғолиби мусобиқа мунтахаби Кореяи Ҷанубӣ бо ҳисоби 1 бар 3 мағлуб шуд. Мунтахаби наврасони Чин бо 3 имтиёз мақоми сеюмро касб кард.
Ҷоми «Роҳи абрешим – Хуашан-2016»
Даври 1-ум
Кореяи Ҷанубӣ – ТОҶИКИСТОН – 3:1
Голи Тоҷикистон: Тоҳир Малодӯстов.
Тоҷикистон (ҳайати ибтидоӣ): Далер Азизов, Ваҳдат Ҳанонов, Ҳувайдо Малиев, Манучеҳр Сафаров, Султоншо Мирзоев, Мубинҷон Муминов, Амир Иброҳимов, Шервони Мабатшоев, Фаридун Неъматов, Далер Ёдгоров, Аваз Қамчинов
Чин – Туркманистон – 4:1
Даври 2-юм
Туркманистон – ТОҶИКИСТОН – 2:3
Голҳои Тоҷикистон: Шервони Мабатшоев, Ваҳдат Ҳанонов, Ҳувайдо Малиев.
Тоҷикистон (ҳайати ибтидоӣ): Далер Азизов, Ваҳдат Ҳанонов, Саидмухтор Азимов, Ҳувайдо Малиев, Султоншо Мирзоев, Далер Ёдгоров, Мубинҷон Муминов, Амир Иброҳимов, Шервонӣ Мабатшоев, Манучеҳр Сафаров, Фаридун Неъматов.
Чин – Кореяи анубӣ – 0:1
Даври 3-юм
ТОҶИКИСТОН – Чин – 1:0
Кореяи Ҷанубӣ – Туркманистон – 3:0
| Б | Ғ | М | Б | Т/Т | И | ||
| 1 | Кореяи Ҷанубӣ | 3 | 3 | 0 | 0 | 7-1 | 9 |
| 2 | ТОҶИКИСТОН | 3 | 2 | 0 | 1 | 5-5 | 6 |
| 3 | Чин | 3 | 1 | 0 | 2 | 4-3 | 3 |
| 4 | Туркманистон | 3 | 0 | 0 | 3 | 3-10 | 0 |