Рӯзҳои истироҳатии ҳафтаи гузашта дар лигаи якуми Тоҷикистон бозиҳои даври навбатӣ баргузор шуданд.
Дар бозии марказии давр “Кӯктош”-и ноҳияи Рӯдакӣ дар майдони худ чемпиони феълии лигаи якуми мамлакат “Саройкамар”-и Панҷро қабул кард. Мавриди зикр аст, ки дастаи ноҳияи Панҷ дар марҳилаи 1/8 ниҳоии Ҷоми Тоҷикистон аз рӯи натиҷаи ду вохӯрӣ бар “Хайр”-и Ваҳат пирӯз шуда, ба марҳилаи 1/4 ниҳоии ин мусобиқаи бонуфузи ҷумҳуриявӣ роҳ ёфтаст. Акнун дар марҳилаи чорякниҳоӣ шогирдони Идибек Ғаффоровро рақобат бо чемпиони ҳафткаратаи Тоҷикистон “Регар-ТадАЗ”-и маъруф интизор аст.
Бозӣ байни ду дастаи пешсафи ҷадвали лига хеле шавқовару ҷолиб доир гардида, мусовӣ 2 бар 2 анҷом ёфт. Ба голҳои задаи Парвиз Оев ва Баҳром Урозов меҳмони панҷӣ бо зарбаҳои нишонраси Иброҳимҷон Муҳтоҷзода ва Ҷонибек Ғаффоров ҷавоб гуфтанд.
“Ҳулбук”-и Восе бошад натавонист, дар майдони худ бар “Ҳосилот”-и Фархор пирӯз шавад. Бозӣ мусовӣ ва бидуни гол анҷом шуд. Бояд гуфт, ки ба наздикӣ серунвонтарин мураббии кишвар, мутахассиси шинохта Маҳмадҷон Ҳабибуллоев сармурабии “Ҳосилот”-и Фархор таъин гардид.
Аз ин мусовии рақибон “Панҷшер”-и Румӣ истифода кард. Дастаи ноҳияи Ҷалолиддини Румӣ дар майдони худ бар “Исфара”-и Исфара бо ҳисоби бузурги 4 бар 0 дастболо шуд. Се голро аз дастаи “Панҷшер” Алишер Салимов ва як голро Абдулатиф Тоҷиахмедов ба нишон расонданд.
Лигаи якуми Тоҷикистон. Даври 9-ум
«Панҷшер» – «Исфара» – 4:0
Голҳо: Алишер Салимов, 22 (1:0). Алишер Салимов, 52 (2:0). Алишер Салимов, 78 (3:0). Абдулатиф Тоҷиахмедов, 89 (4:0).
«Зарафшон» – «Эсхата» – 2:3
Голҳо: Фирӯз Ҳалимов, 23 – аз пеналти (1:0). Нормаҳмад Бегов, 42 – ба дарвозаи дастаи худ (1:1). Ҳусейнхон Ҷалолов, 58 (1:2). Рустамҷон Сабуров, 85 (1:3). Комрон Муродов, 89 (2:3).
Аз майдон хориҷ шуданд: Хайём Усмонов («Зарафшон»), 73 – барои рафтори иғвогароёна, Нарзулло Раҷабов («Эсхата»), 73 – барои бо даст задани ҳариф.
«Кӯктош» – «Саройкамар» – 2:2
Голҳо: Парвиз Оев, 7 (1:0). Баҳром Урозов, 24 (2:0). Иброҳими Муҳтоҷзода, 28 – аз пеналти (2:1). Ҷонибек Ғаффоров, 48 (2:2).
«Чашма» – МТО – 3:1
Голҳо: Имомназар Соҳибов, 28 (1:0). Аъзам Ҳамроев, 53 (2:0). Ҷамолиддин Хуҷаев, 62 (3:0). Беҳрӯз Тоҳиров, 71 (3:1).
«Канд» – «Локомотив» – 0:2
Голҳо: Дилшод Раҳматуллоев, 46 (0:1). Абдулқосим Музаффаров, 61 (0:2).
Аз майдон хориҷ шуданд: Азиз Ҳамробоев («Канд»), 44 – барои бо даст задани ҳариф, Рустам Ғуломов («Локомотив»), 44 – барои бо даст задани ҳариф.
«Ҳулбук» – «Ҳосилот» – 0:0
| Б | Ғ | М | Б | Т/Т | И | ||
| 1 | «Панҷшер» (Румӣ) | 9 | 6 | 3 | 0 | 19-5 | 21 |
| 2 | «Кӯктош» (Рӯдакӣ) | 9 | 5 | 3 | 1 | 26-12 | 18 |
| 3 | «Ҳулбук» (Восе) | 8 | 5 | 3 | 0 | 9-3 | 18 |
| 4 | «Эсхата» (Хуҷанд) | 8 | 5 | 2 | 1 | 29-13 | 17 |
| 5 | «Исфара» (Исфара) | 8 | 5 | 0 | 3 | 13-12 | 15 |
| 6 | «Ҳосилот» (Фархор) | 9 | 4 | 2 | 3 | 11-11 | 14 |
| 7 | «Саройкамар» (Панҷ) | 7 | 4 | 1 | 2 | 14-5 | 13 |
| 8 | «Чашма» (Шаҳритӯс) | 8 | 4 | 0 | 4 | 18-15 | 12 |
| 9 | «Локомотив» (Душанбе) | 9 | 2 | 1 | 6 | 8-20 | 7 |
| 10 | «Помир» (Душанбе) | 6 | 2 | 0 | 4 | 5-11 | 6 |
| 11 | МТО (Душанбе) | 7 | 1 | 0 | 6 | 10-29 | 3 |
| 12 | «Канд» (Конибодом) | 8 | 1 | 0 | 7 | 4-21 | 3 |
| 13 | «Зарафшон» (Панҷакент) | 8 | 0 | 1 | 7 | 6-15 | 1 |
Нишонзанҳо: Ҳусейнхон ҶАЛОЛОВ («Эсхата») – 12 гол, Фирдавс ЗАЙНУЛЛОЗОДА («Чашма») – 9 гол, Абдухалил БОРОНОВ («Панҷшер»), Адҳамҷон АБДУЛЛОЕВ («Кӯктош») – 7 гол.
Дар даври 10-ум вомехӯранд:
15 август (шанбе)
Оғоз соати 17:00
«Эсхата» – «Ҳулбук»
16 август (якшанбе)
Оғози бозӣ соати 17:00
«Ҳосилот» – «Канд»
МТО – «Зарафшон»
«Саройкамар» – «Чашма»
«Исфара» – «Кӯктош»
«Помир» – «Панҷшер»