Ниммуҳофизи мунтахаби миллии Тоҷикистон Парвизҷон Умарбоев дар ҳайати дастаи нави худ ба задании голи аввалин муваффақ шуд.
Дар бозии санҷишӣ клуби футболи «Локомотиив»-и Булғория, ки футболбози тоҷик дар ҳайати он баромад мекунад, бар клуби «Ал-Файсалӣ» аз Арабистони Саудӣ бо ҳисоби 3 бар 0 пирӯз шуд. Парвизҷон Умарбоев дар ин бозӣ давоми 90 дақиқаи пурра бозӣ карда, дар дақиқаи 70-ум голи аввалини худро дар ҳайати дастаи наваш ба самар расонд.
Ёдовар мешавем, ки Парвизҷон Умарбоев ба «Локомотив»-и Булғория аз «Истиқлол»-и Душанбе гузашт. Умарбоев дар ҳайати «Истиқлол» якуним мавсим баромад дошт.