Чемпионати футзали Осиё-2016 бо ғалабаи мунтахаби Эрон анҷом ёфт. Рӯзи якшанбеи 21 феврал дар бозии ниҳоӣ футзалистони Эрон бар дастаи мизбони мусобиқаи имсола мунтахаби Узбекистон бо ҳисоби 2 бар 1 пирӯз шуд.
Дар бозӣ барои ҷои сеюм бошад, ду мунтахаби ҳамгурӯҳи дастаи мо дар марҳилаи гурӯҳӣ – Ветнам ва Тайланд рақобат карданд. Ёдрас мешавем, ки дар марҳилаи гурӯҳӣ мунтахаби футзали Тоҷикистон аз Тайланд бо ҳисоби 4 бар 5 ва аз Ветнам бо ҳисоби 1 бар 8 мағлуб шуда буд.
Медалҳои биринҷии чемпионати футзали Осиё-2016 насиби мунтахаби Тайланд шуд. Тайланд дар бозӣ барои ҷои сеюм бар футзалистони ветнамӣ бо ҳисоби калони 8 бар 0 дастболо шуд.
Ҳаминро қайд мекунем, ки ба чемпионати футзали ҷаҳон-2016, ки моҳи сентябр дар Колумбия доир мешавад, мунтахабҳои Эрон, Узбекистон, Тайланд, Ветнам ва Австралия баромаданд.
Чемпионати футзали Осиё-2016
1/4 финал
Узбекистон – Ироқ – 3:0
Тайланд – Австралия – 6:1
Эрон – Қирғизистон – 7:0
Япония – Ветнам – 4:4. Бо пеналти – 1:2
Плей-офф барои чои 5-ум
Ироқ – Австралия – 3:5
Қирғизистон – Япония – 6:2
Бозӣ барои ҷои 5-ум
Қирғизистон – Австралия – 1:3
Бозиҳои 1/2 финалӣ
Узбекистон – Тайланд – 2:2. Бо пеналти – 3:1
Эрон – Ветнам – 13:1
Бозӣ барои ҷои сеюм
Тайланд – Ветнам – 8:0
Финал
Узбекистон – Эрон – 1:2