Дастаи мунтахаби Тоҷикистон машқҳои серӯзаи худро дар пойтахти кишвар, шаҳри Душанбе ба анҷом расонид. Ҳаким Фузайлов баъди ҷамъабсти тамринҳо 23 нафар бозингаронро барои вохӯрии дӯстона бо дастаи мунтахаби Баҳрайн, 23-юми март ва аввалин бозии расмии интихобӣ бо мунтахаби Яман, 28-уми март интихоб кард.
Ба ҳамин тартиб ба рӯйхати охирин се дарвозабон, 8 муҳофизатгар, 8 нимҳимоятгар ва 4 ҳамлагар шомил шуданд. Дарвозабон Беҳрӯз Хайриев («Барқчӣ»), муҳофизатгар Соҳиб Саванқулов («Истиқлол»), нимҳимоятгарон Мухсинҷон Парпиев, Кароматулло Саидов (аз «Барқчӣ») ва Фирӯз Қараев («Регар-ТадАЗ») бо сипосгузории сармураббӣ Ҳаким Фузайлов ҷиҳати иштирокашон дар ин машқҳо ба дастаҳояшон ҷавоб дода шуданд.
Имрӯз дастаи мунтахаби Тоҷикистон бо хатсайри Душанбе-Дубай-Манама ба Баҳрайн сафар кард ва 23-юми март бозии дӯстонаашро бо мунтахаби ин кишвар баргузор карда, сипас барои бозии аввали интихобии Ҷоми Осиё-2019 бо тими мунтахабюи Яман ба шаҳри Давҳаи Қатар ҳозир мешавад.
Ҳайати дастаи мунтахаби Тоҷикистон:
Дарвозабонҳо: Абдуазиз Махкамов («Алай», Кирғизстон), Қурбоналӣ Бобоев («Истиқлол»), Далер Азизов («Регар-ТадАЗ»);
Муҳофизатгарон: Давронҷон Эргашев («Тараз», Қазоқистон), Искандар Ҷалилов («Дунав», Булғория), Сиёвуш Асроров, Амирбек Ҷӯрабоев, Табрези Давлатмир, Аҳтам Назаров (ҳама аз «Истиқлол»), Ойбек Абдуғаффоров («Ҳосилот»);
Нимҳимоятгарон: Парвизҷон Умарбоев («Локомотив», Пловдив, Булғория), Нозим Бобоҷонов (СК «Баҳрайн», Баҳарайн), Умедҷон Шарифов («Машъал», Ӯзбекистон), Нуриддин Давронов, Фатҳулло Фатҳуллоев, Эҳсони Панҷшанбе, Ҷаҳонгир Алиев, Ромиш Ҷалилов (ҳама аз «Истиқлол»), Муҳаммадҷони Ҳасан («Ҳосилот»);
Ҳамлагарон: Манучеҳр Ҷалилов, Ҷаҳонгир Эргашев, Дилшод Восиев (ҳама аз «Истиқлол»), Давронҷон Тӯхтасунов («Хуҷанд»).
Сармураббӣ – Ҳаким Фузайлов.