Шабакаи телевизиони «Варзиш» рӯзи ҷумъаи 4-уми март бозии марказии даври дуюми марҳилаи ниҳоии Ҷоми Федератсияи футболи Тоҷикистонро дар гурӯҳи «А» миёни чемпион ва витсе-чемпиони феълии Тоҷикистон дастаҳои футболи «Истиқлол» ва «Хуҷанд» мустақиман намоиш медиҳад. Бозӣ соати 16:00 дар Варзишгоҳи марказии ҷумҳуриявӣ доир мешавад.
Дар ин бора ба сомонаи расмии Федератсияи футболи Тоҷикистон ҷонишини якуми директори Муассисаи давлатии телевизиони «Варзиш» Парвиз Норов хабар дод. Қайд мекунем, ки телевизиони «Варзиш», ки ба тозагӣ аз ҷониби президенти Тоҷикистон, мӯҳтарам Эмомалӣ Раҳмон ифтитоҳ дода шуд, дар давоми ду рӯзи фаъолияти худ, аллакай бозиҳои марҳилаи ниҳоии Ҷоми Тоҷикистонро миёни дастаҳои футболи «Хуҷанд» – КМВА «Помир» (3:1), «Хайр» – «Помир» (4:1) ва «Регар-ТадАз» – «Вахш» (0:0) ба таври мустақиман намоиш дод.