Лигаи милии футболи Тоҷикистон санаи баргузории бозии финалии Ҷоми Тоҷикистонро дар соли 2015 эълон кард.
Ба иттилои менеҷери Лигаи миллии футболи Тоҷикистон Алишер Урунов, бозӣ барои дарёфти Ҷоми Тоҷикистон-2015 рӯзи 28 ноябр, соати 14:00 дар Варзишгоҳи марказии ҷумҳуриявӣ баргузор хоҳад гашт.
Дар бозии финалӣ, ки аз рӯи ҳисоб 24-умин бозии финалии Ҷоми миллӣ маҳсуб мешавад, дастаҳои футболи «Истиқлол»-и Душанбе ва «Регар-ТадАз»-и Турсунзода рақобат мекунанд.
Ҳаминро қайд мекунем, ки дастаи «Истиқлорл»-и пойтахт ба ҳайси чемпиони Тоҷикистон соли оянда дар мусобиқаи Ҷоми КФО-2016 иштирок мекунад. Дар сурати Ҷоми Тоҷикистонро соҳиб шудани «Регар-ТадАЗ», дастаи металлургчиён ҳуқуқи дар марҳилаи квалификатсионии Ҷоми КФО-2016 иштирок карданро соҳиб мешавад. Агар «Истиқлол» барандаи Ҷоми миллӣ шавад, он гоҳ барандаи медалҳои нуқраи чемпионати мамлакат ба даври квалификатсионии Ҷоми КФО-2016 роҳ меёбад.
Барои соҳиб шудан ба медалҳои нуқраи чемпионати имсолаи Тоҷикистон, дастаи «Хуҷанд»-и Хуҷанд имконияти бештар дорад. Дастаи соҳили Сирдарёро дар ду бозии боқимонда муқобили «Парвоз» ва «Истиқлол» ба даст даровардани се имтиёз басанда аст.
Ҳаммаи бозиҳои ниҳоии Ҷоми Тоҷикистон:
1992 – «Помир» (Душанбе) – «Регар» (Турсунзода) – 1:0
1993 – «Ситора» (Душанбе) – «Равшан» (Кӯлоб) – 0:0. Бо пеналти – 5:3
1994 – «Равшан» (Кӯлоб) – «Шодмон» (Ҳисор) – 2:1
1995 – «Пахтакор» (Ҷаббор Расулов) – «Регар-ТадАЗ» (Турсунзода) – 0:0. Бо пеналти – 3:2
1996/1997 – «Вахш» (Қӯрғонтеппа) – «Хуҷанд» (Хуҷанд) – 4:0
1997/1998 – «Хуҷанд» (Хуҷанд) – «Ранҷбар» (Восе) – 2:1
1998 – «Варзоб» (Душанбе) – «Хӯҷа Каримов» (Ғозималик) – 3:1
1999 – «Варзоб» (Душанбе) – «Регар-ТадАЗ» (Турсунзода) – 0:0. Бо пеналти – 4:2
2000/2001 – «Регар-ТадАЗ» (Турсунзода) – «Варзоб» (Душанбе) – 4:2
2001/2002 – «Регар-ТадАЗ» (Турсунзода) – «Хуҷанд» (Хуҷанд) – 3:1
2002 – «Хуҷанд» (Хуҷанд) – «Вахш» (Қӯрғонтеппа) – 3:0
2003 – «Вахш» (Қӯрғонтеппа) – «Олимп-Ансол» (Кӯлоб) – 3:1
2004 – «Авиатор» (Бобоҷон Ғафуров) – «Уротеппа» (Истаравшан) – 5:0
2005 – «Регар-ТадАЗ» (Турсунзода) – «Вахш» (Қӯрғонтеппа) – 1:1. Бо пеналти – 3:1
2006 – «Регар-ТадАЗ» (Турсунзода) – «Хима» (Душанбе) – 2:1
2007 – «Парвоз» (Бобоҷон Ғафуров) – «Хима» (Душанбе) – 1:0
2008 – «Хуҷанд» (Хуҷанд) – «Энергетик» (Душанбе) – 2:1
2009 – «Истиқлол» (Душанбе) – КМВА «Помир» (Душанбе) – 3:1
2010 – «Истиқлол» (Душанбе) – «Хуҷанд» (Хуҷанд) – 5:0
2011 – «Истиқлол» (Душанбе) – «Регар-ТадАЗ» (Турсунзаде) – 0:1
2012 – «Истиқлол» (Душанбе) – «Регар-ТадАЗ» (Турсунзода) – 1:1. Бо пеналти – 5:6
2013 – «Истиқлол» (Душанбе) – «Регар-ТадАЗ» (Турсунзода) – 2:0
2014 – «Истиқлол» (Душанбе) – «Регар-ТадАЗ» (Турсунзода) – 5:2
2015 – «Истиқлол» (Душанбе) – «Регар-ТадАЗ» (Турсунзода) — ?