Шӯъбаи маълумоти мураббигарии департаменти техникии Федератсияи футболи Тоҷикистон қабули ҳуҷатҳоро барои соҳиб шудан ба мумуҷаввизи (литсензияи) мураббигарии “В”-и Конфедератсияи футболи Осиё эълон мекунад.
Курси мазкур моҳи июли соли ҷорӣ дар Норак доир хоҳад шуд. Дархостҳо то санаи 30-юми апрел қабул карда мешаванд.
Мувофиқи талаботҳои Конфедератсияи футболи Осиё шахсоне, ки хоҳиши соҳиб шудан ба муҷаввизи мураббигарии дараҷаи “В”-ро доранд, бояд ҳатман муҷаввизи дараҷаи “С”-и Конфедератсияи футболи Осиёро дошта бошанд.
Барои иштирок дар курси мураббигарии дараҷаи “В”-и КФО пешниҳод намудани ҳуҷатҳои зерин лозим аст:
1. Нусхаи муҷаввизи мураббигарии дараҷаи “С”-и КФО.
2. Нусхаи шиносномаи хориҷӣ.
3. Як дона расми андозаи 3х4.
Барои маълумоти иловагӣ метавонед бо телефони 918-10-80-22 (Ораз Ализода) дар тамос шавед.