Рӯзи истироҳати ҳафтаи гузашта мавсими нави лигаи касбии футзали Тоҷикистон (серияи “Касбӣ”) бо иштироки ҳашт даста оғоз гардид.
Чемпиони дукаратаи Тоҷикистон “ДИСИ Инвест”-и Душанбе дар Турсунзода бар “Самандар” бо ҳисоби 4 бар 2 пирӯз шуд. Голҳои дастаи пойтахти кишарро Дилшод Саломов, Арсен Фармонбеков, Шавкат Ҳалимов ва Муҳаммад Раҳмонов ба самар расонданд.
Витсе-чемпиони мамлакат дастаи футзали “Соро компания”-и Душанбе низ дар даври аввали мусобиқа ба ғалаба ноил шуд. Футзалистони “Соро компания” дар сафар бар “Сипар”-и Хуҷанд бо ҳисоби 5 бар 2 дастболо гаштанд. Ду голи футзалистони душанбегиро Алиҷон Ҳабибуллое ва як голиро Фирӯз Сангов, Далер Наимов ва Шаҳром Муминов заданд.
Дастаи футзали дигари пойтах “Карон”-и Душанбе (дар собиқ ТКБ “Лизинг”) дар даври ифтитоҳии мусобиқа дебютанти имсолаи мусобиқа “Хуҷанд”-и Хуҷандро бо ҳисоби бузурги 10 бар 5 шикаст дод. Дар ҳайати ғолибон Файзалӣ Саидов ба задани чор гол муваффақ шуд. Се голи дастаи навтаъсиси футзали “Хуҷанд”-ро бошад чемпиони Бозиҳои Осиёӣ, боксёри маъруфти тоҷик Ҷаҳон Қурбонов зад.
Дар бозии дигари даври ифтитоҳӣ “Газпром” бар “Сино” бо ҳисоби калони 11 бар 7 пирӯз шуд. Дар ин бозӣ панҷ голи ғолибонро бозигари мунтахаби милии футзали Тоҷикистон Меҳрубон Тиллозода ба самар расонд.
Лигаи касбии футзали Тоҷикистон. Даври 1-ум
«Газпром» – «Сино» – 11:7
Голҳо: Меҳрубон Тиллозода (5), Шерзод Ҷумаев (2), Дилшод Расулов, Иззат Нигматов, Фирдавс Азизов, Фирӯз Бобиев – Азамат Шодиев (3), Эмомалии Аҳмадҷон (2), Беҳзод Шодиев, Ислом Зоиров.
Беҳтарин бозигари вохӯрӣ: Меҳрубон Тиллоев («Газпром»).
«Сипар» – «Соро компания» – 2:5
Голҳо: Акмал Баҳодуров, Бинёмин Иқболӣ – Алиҷон Ҳабибуллоев (2), Фирӯз Сангов, Далер Наимов, Шаҳром Муминов.
Аз майдон хориҷ шуд: Сиёвуш Қаюмов («Соро компания») – фоли «умеди охирон».
Беҳтарин бозигари вохӯрӣ: Алиҷон Ҳабибуллоев («Соро компания»).
«Хуҷанд» – «Карон» – 5:10
Голҳо: Ҷаҳон Қурбонов (3), Маъруф Ҳомидов, Дилшод Неъматов – Файзалӣ Сардоров (4), Некрӯз Алиаҳмадов (2), Фирдавс Абдуллоев (2), Ҷавлон Назаров, Бахтиёр Шарипов.
Беҳтарин бозигари вохӯрӣ: Файзалӣ Сардоров («Карон»).
«Самандар» – «ДИСИ Инвест» – 2:4
Голҳо: Низом Махмаев, Сӯҳроб Холбобоев – Дилшод Саломов, Арсен Фармонбеков, Шавкат Ҳалимов, Муҳаммад Раҳмонов.
Беҳтарин бозигари вохӯрӣ: Дилшод Саломов («ДИСИ Инвест»).
| Б | Ғ | М | Б | Т/Т | И | ||
| 1 | «Карон» (Душанбе) | 1 | 1 | 0 | 0 | 10-5 | 3 |
| 2 | «Газпром» (Душанбе) | 1 | 1 | 0 | 0 | 11-7 | 3 |
| 3 | «Соро компания» (Душанбе) | 1 | 1 | 0 | 0 | 5-2 | 3 |
| 4 | «ДИСИ Инвест» (Душанбе) | 1 | 1 | 0 | 0 | 4-2 | 3 |
| 5 | «Самандар» (Турсунзода) | 1 | 0 | 0 | 1 | 2-4 | 0 |
| 6 | «Сипар» (Хуҷанд) | 1 | 0 | 0 | 1 | 2-5 | 0 |
| 7 | «Сино» (Душанбе) | 1 | 0 | 0 | 1 | 7-11 | 0 |
| 8 | «Хуҷанд» (Хуҷанд) | 1 | 0 | 0 | 1 | 5-10 | 0 |