Бозиҳои даври дуюми чемпионати Ассотсиатсияи футболи Осиёи Марказӣ байни дастаҳои ҷавонони то 20-сола ба анҷом расиданд.
Дастаи наврасони Тоҷикистон (U-17) таҳти роҳбарии Раҳматулло Фузайлов дар нахустин бозии худ дар ин мусобиқа бо тими Афғонистон мусовӣ – 1:1 кард. Ҳисобро дар дақиқаи 28-ум ҳамлагари дастаи мо Масрур Ғафуров кушод. Дар оғози қисми дуюм Амин Ҳамаюн таносубро барқарор кард.
Дар вохӯрии дигар дастаи ҷавонони Ӯзбекистон бар тими Туркманистон – 9:2 ғалабаи калон ба даст овард. Аз ҳайати мунтахаби Ӯзбекистон Абдуғафур Ҳайдаров пента-трикро ба номаш сабт намуд.
Бозиҳои даври сеюми чемпионати CAFA-2023 рӯзи 24 май баргузор мешаванд. Дастаи наврасони Тоҷикистон (U-17) дар варзишгоҳи «ТАЛКО-Арена»-и шаҳри Турсунзода бо тими миллии ҷавонони Туркманистон вомехӯрад. Дар баробари ин, дар варзишгоҳи КМВА-и Душанбе бозии дастаҳои Эрон ва Афғонистон баргузор мешавад.
Чемпионати CAFA-2023 байни дастаҳои ҷавонон (U-20)
Даври 1
Ӯзбекистон – Эрон – 3:2
Голҳо: Ризо Мирзоён, 23 (0:1). Муродҷон Комилов, 25 (1:1). Ризо Мирзоён, 36 (1:2). Муҳаммадалӣ Ӯринбоев, 41 (2:2). Наримонҷон Аҳмадҷонов, 69 (3:2).
21 май. Турсунзода. Варзишгоҳи «ТАЛКО-Арена». 1217 тамошобин.
Туркманистон – Афғонистон – 1:2
Голҳо: Фарҳод Ализода, 46 (0:1). Гурбонмуҳаммад Есенов, 48 (1:1). Иноятуллоҳ Кохӣ, 84 (1:2). Пеналтии бебарор: Анвар Аннаев, 52 (Туркманистон) – дарвозабон.
21 май. Душанбе. Варзишгоҳи КМВА-и Вазорати мудофиаи Ҷумҳурии Тоҷикистон. 173 тамошобин.
Даври 2
Афғонистон – ТОҶИКИСТОН – 1:1
Голҳо: Масрур Ғафуров, 28 (0:1). Амин Ҳамаюн, 48 (1:1).
22 май. Турсунзода. Варзишгоҳи «ТАЛКО-Арена». 2150 тамошобин.
Туркманистон – Ӯзбекистон – 2:9
Голҳо: Нурлан Иброимов, 5 (0:1). Алиҷон Бекмуродов, 14 (0:2). Абдуғафур Ҳайдаров, 27 – аз пеналти (0:3). Муродҷон Комилов, 33 (0:4). Абдуғафур Ҳайдаров, 45 (0:5). Абдуғафур Ҳайдаров, 45+1 (0:6). Муродҷон Комилов, 52 (0:7). Абдуғафур Ҳайдаров, 59 (0:8). Гурбонмухаммад Есенов, 63 (1:8). Абдуғафур Ҳайдаров, 83 (1:9). Гурбонмухаммад Есенов, 87 (2:9).
Пеналтии бебарор: Гурбонмуҳаммад Есенов (Туркманистон), 63 – дарвозабон.
22 май. Душанбе. Варзишгоҳи КМВА-и Вазорати мудофиаи Ҷумҳурии Тоҷикистон. 67 тамошобин.